Die Thaba Monate-vakansieoord in Bela-Bela (Warmbad) in Limpopo het Vrydag ontken dat ʼn tweede dam by die oord gebreek het.
“Ongeveer 115 mm reën het binne twee ure neergestort en die natuurlike spruite en fonteine borrel steeds water, aangesien die grond nog versadig is,” het ʼn woordvoerder van die oord in ʼn verklaring gesê.
Volgens die verklaring is gerugte dat ʼn tweede dam by die oord gebreek het, onwaar.
“Meer as 235 mm reën is al die afgelope week gemeet en die water borrel Vrydagoggend steeds uit die grond en rotse.”
Thaba Monate het Vrydag telefonies aan Maroela Media bevestig dat een van die kleiner damme wel vroeër gebreek het. Die oord het self nie vloedskade nie, buiten paaie wat verspoel het. Daar is reeds met herstelwerk begin aan paaie in die gebied.
Lees ook:
Noodfonds vir Limpopo-vloedslagoffers
Foto’s en video: BelaBela (Warmbad) onder water
Vloede: 70 met helikopter gered
Video: Limpopo-pad gesluit
Tweede vloed tref Klein-Kariba-oord