Tweejarige huilend by ma se lyk gevind

misdaadtoneel

Argieffoto

ʼn 28-jarige Vrystaatse man sal Dinsdag in die hof verskyn nadat hy na bewering sy vriendin met ʼn ysterstaaf en houtpaal doodgeslaan het.

Sers. Yanga Ngcukana, woordvoerder van die polisie, het aan Maroela Media gesê die polisie het Maandag ʼn oproep ontvang van ʼn anonieme persoon oor ʼn voorval van huishoudelike geweld op ʼn plaas naby Smithfield. Die polisie het kort daarna by die plaas opgedaag en die 32-jarige vrou se bebloede liggaam in die huis gevind.

“Die vrou se tweejarige seun het bo-op sy ma se liggaam gelê, haar vasgehou en histeries gehuil,” het Ngcukana gesê. “Die vrou het ʼn oop wond aan haar gesig gehad en haar gesig was erg geswel.”

Die polisie het die man, wat ʼn werker op die plaas is, elders op die plaas aangetref en ondervra. Volgens Ngcukana het hy erken dat hy en sy vriendin in ’n rusie betrokke was, maar was glo verbaas om te hoor sy is dood. Hy het ontken dat hy haar aangerand het. Daar was egter bloedspatsels aan sy klere.

Die man is in hegtenis geneem en aangekla van moord. Die kleuter is na ʼn hospitaal geneem as voorsorgmaatreël. Ngcukana kon nie bevestig of die kleuter intussen in familie se sorg geplaas is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
tamboti

Geen vorm van vrees vir gesag is meer teenwoordig in SA, Baie geluk aan menseregte ondersteuners – julle bewerk julle eie ondergang, en ook die van ander onskuldiges.

m

Danksy die regering is die doodstaf weggevat so hierdie tipe dade sal gebeur want daar is geen afskrikmiddel vir misdadigers mee nie. Die man gaan nou lekker op belastingbetalers se geld in die tronk aangehou word. Hy gaan lekker eet en rustig leef so hoekom worry hy.

des nigrini

Wat sal hierdie mense regte onmdersteuners doen as hulle eie ma, pa, broer, suster, kind of enige familielid van hulle wreed gemartel en dood gemaak word . Sal hulle dan nog so opkom vir die beskuldigdes. Ek se bring terug die doodstraf en ontneem beskuldigdes ook van hulle regte as hulle toe gesluit word. Bring harde arbeid en lyfstraf weer terug dan sal daar minder moorde en misdrywe gepleeg word. Wat van die slagoffer se mense regte?

Theresa B

Die arme kind. Klaar “geskend” vir die res van sy lewetjie. Hoe wreed en gevoelloos is die mensdom net nie. Die Here moet ons net help.

E

Die arme kind!!!