Twitter gons na Zelda vir Zuma kap

'n Skermskoot van La Grange se Twitter-profiel.

‘n Skermskoot van La Grange se Twitter-profiel.

Zelda la Grange, oudpres. Nelson Mandela se voormalige assistent, het Saterdagoggend vir ʼn opskudding op Twitter gesorg nadat sy president Jacob Zuma erg gekap het oor hy dit glo duidelik gemaak het wit mense is nie welkom in Suid-Afrika nie.

“Ek is siek vir Jacob Zuma se konstante aanval teen blankes elke paar maande. Hoekom kan ons nie naas mekaar bestaan sonder dat dit ten koste van mekaar is nie,” het La Grange getwiet.

Dié twiet is voorafgegaan deur verskeie ander twiets. “Ek is seker opmerkings soos: ‘unafrican’ om honde te hê, stres is westerse konsep, [Jan] van Riebeeck ens. is alles goed vir belegging in SA.” Sy het kort hierna getwiet: “Maak dat wit mense baie welkom voel in SA. Ek dink ek gaan vandag vir Jan [Van Riebeeck] bel en vra wat die hel het hy gedink om na Afrika te seil.”

La Grange het verder gesê sy gaan vir François Hollande van Frankryk vra of hy haar soek aangesien die organisasie wat vir Robert Mugabe loof maar vir FW de Klerk veroordeel nie “ons” in Suid-Afrika wil hê nie. Sy het ook gesê De Klerk was die laaste president van apartheid en dat hy onder druk geswyg het maar aan die mag kon bly vasgryp en dit tot ʼn burgeroorlog sou lei.

Volgens La Grange sou sy die land verlaat het as sy ʼn wit belegger was aangesien president Zuma dit duidelik gemaak het dat wit mense nie welkom is of benodig word in Suid-Afrika nie. “O wag. Wit mense se belastinggeld is goed genoeg vir Nkandla maar dan moet jy konstant wreed behandel word,” het sy getwiet. La Grange het ook haar Twitter-profiel se naam verander na Zelda van Riebeeck.

La Grange se uitlatings het tot hewige reaksie op Twitter gelei. Talle van haar volgelinge het hul teleurstelling in haar twiets uitgespreek terwyl ander grappenderwys gevra het of haar Twitter-rekening deur kuberkrakers oorgeneem is.


ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

48 Kommentare

jongste oudste gewildste
Jan

Zelda, die Afrikaner is in beseringstyd, jou ikoon Mandela was die begin van ons agteruitgang, meeste dinge was nog inplek met goeie Blanke bestuur toe hy oorgeneem het, dit was nie sy goeie bestuur nie! Moenie nou begin keel opsit. Toe alles begin agteruitgaan het,het jy en hy koffie en tee gedrink saam ander hooggeplaastes en gods water oor gods akker laat loop. Moenie nou ‘n keel opsit oor wat nou aangaan, jy, Zelda, het hulle opgehemel. Jy, Zelda, is self skuldig !!!!!!!!!!!!!

Willie

Stelselmatig gaan die liberaliste se oë oop! du Preez en la Grange om twee te noem. Ek is bevrees dis te laat.

Anton van Riebeeck

Bravo Zelda! Dis hoog tyd dat iemand die clown aanvat !

Erich

Ek hoop nie sy praat namens my nie. SA het oor as genoeg wit liberale en dit sal net ‘n bonus wees as François Hollande haar “aansoek” aanvaar. Tata Zelda.

Elza

Ek wens ek kan ook na ‘n ander land toe gaan, Maar ek ken net een land hier onder die Afrika son. My voorouers van verskillende lande, soos ons almal, dus waarheen wil hulle he dat ons moet teruggaan. Hoekom wil die ANC ons dan straf oor ons na die ABO opgestaan het en iets bereik het. Is hulle jaloers oor hulle sedert hulle wat hier na ons voorsate aangekom het nog niks kon regkry nie.