Tydlyn vir wet oor grondonteiening ‘verdag’

dr-anthea-jeffery-en-jaco-schoeman

Dr. Anthea Jeffery van die Suid-Afrikaanse Instituut vir Rasseverhoudinge en Jaco Schoeman, die sameroeper van die ad hoc-groep vir die beskerming van eiendomsregte. Foto: Esté Meyer Jansen/Maroela Media.

Die komitee wat voorstelle moet maak om artikel 25 van die Grondwet te verander se tydlyn vir die publikasie van ʼn voorgestelde wetswysiging is verdag.

Só sê dr. Anthea Jeffery, hoof van beleidsnavorsing aan die Suid-Afrikaanse Instituut vir Rasseverhoudinge (SAIRV).

Die komitee beplan om dié voorgestelde wetswysiging, wat dit vir die staat moontlik moet maak om grond in sekere gevalle sonder vergoeding te onteien, in Desember in die staatskoerant bekend te maak.

“Die komitee wil die publiek ʼn skamele vier weke gee om op die beplande wysigings te reageer en het dit boonop só beplan dat dit oor die Desembervakansie val,” sê Jeffery.

Die komitee wil ʼn twee dae lange werksessie op 6 en 7 November hou, saam met kenners op die gebied van grond en grondwetlike kwessies. Die doel van die werksessie is om ʼn “grondwetlike dialoog oor grondeienaarskap te hê”, lui die komitee se verklaring wat op 27 Oktober uitgereik is. Die komitee sal dan ʼn voorgestelde wetswysiging teen 27 November opstel wat tydens verskeie sessies met lede van die parlement bespreek sal word. Die voorgestelde wysiging moet op 10 Desember – Menseregtedag – gepubliseer word vir kommentaar vanaf die publiek.

“Die skole sluit op 5 Desember en open eers weer 14 Januarie,” merk Jeffery op. “Die Desembervakansie is wanneer die meeste mense weggaan en alles tot stilstand kom. Hierdie voorgestelde skedule maak ʼn bespotting van openbare deelname oor die komitee se werk. Dit verontagsaam ook ʼn reeks uitsprake deur die Konstitusionele Hof oor wat behoorlike openbare deelname behels.”

Jeffery sê die komitee se voorgestelde tydlyn is ongrondwetlik. “Daarom vra die SAIRV die komitee om te verseker dat sy uitnodiging vir openbare deelname ten volle voldoen aan die kriteria, soos uiteengesit deur die Konstitusionele Hof.”

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Lourens

Stem saam, laat dinge nou finaal na ‘n kant toe gaan.
G/vol vir die byl wat aanmekaar oor ons koppe hang.
Doen dit.
“What must be, must be.”

John

Met die vise-president in Sjina om bande te smee? Indien die ANC glo dat sy kiesers in die kommunistiese bloudruk gaan pas, maak hulle ‘n groteske foutjie. Grondgrype om werkloses in te span? Gryp, gryp, gryp? Die plan gaan so boemerang dat Cyril gaan wens hy was eerder ‘n maanmannetjie. Boere moet hul papiere iewers gaan bère… eienaarskap ens. Hierdie perd gaan die vreemde baas afgooi… in die dorings…

Sê-maar-net

‘n Mens kan nie grond eet nie. As die boere wat oor geslagte heen al boer, dit nie meer kan maak nie, hoe wil die “nuwe” boere dit maak? Op die belastingbetaler se sak? Daai sak het ook lankal ‘n gat in!

Lorraine

Hierdie is ‘n ou truuk van die ANC- regering. Daar is veels teveel voorbeelde van die soort stormram in die afgelope jare. Sodra hulle teenkanting kry, is die Desember- ultimatim ‘ uitgemaakte kits ontsporing daarvan. Jare terug was dit die Wet op Onderwys, en so-ook die huidige Nasionale Gesondheidsorg.
Ek wonder of die stand van SA se ekonomie, wat teen ‘n spoed inplof, die rede daarvoor is… want daar is nie geld vir die vergoeding nie ????

HPV

So gaan die landsplundering en diefstal voort.