Uitspraak dán gelewer oor appèl teen Walus-parool

Limpho Hani by die hof. Foto: ANA

Limpho Hani by die hof. Foto: ANA

Die Noord-Gautengse hooggeregshof het Dinsdag die minister van justisie en korrektiewe dienste se aansoek om verlof tot appèl teen Janusz Walus se vrylating aangehoor. Walus is die moordenaar van die SAKP-leier Chris Hani.

Regter Nicolene Janse van Nieuwenhuizen het nadat sy voorleggings van die departement se regsverteenwoordiger, adv. Marumo Moerane SC, en die ander partye aangehoor het, gesê sy het geleentheid tot Donderdag nodig om haar uitspraak voor te berei.

Walus, wat aanvanklik die doodstraf opgelê is vir die moord op Hani, se aansoek om parool is aanvanklik deur Masutha van die hand gewys. Walus het hierna die hof genader om op parool vrygelaat te word. Die hooggeregshof het op 10 Maart beveel dat Walus binne 14 dae op parool vrygelaat word waarna die minister aangedui het hy wil teen die uitspraak appelleer.

Hani se weduwee, Limpho, het Dinsdag se hofverrigtinge bygewoon en dit duidelik gemaak dat die familie gekant is teen Walus se vrylating aangesien hy nie berou getoon of die rede vir die moord bekend gemaak het nie.

Mthunzi Mhaga, woordvoerder van die departement, het gesê hulle hoop hul aansoek is suksesvol sodat hul opposisie tot Walus se vrylating op parool in ʼn hoër hof aangehoor kan word.

Lees alle vorige berigte oor Janusz Walus op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

22 Kommentare

jongste oudste gewildste
Peter

Hoekom hom nie vrylaat nie. Hy is al meer as 20 jaar in die tronk. Wat van soveel ander politieke gevangenisse Wat vrygelaat moes word en ons moes dit net aanvaar. Wat is die verskil?

Lee

Hani se vrou soek net aandag. Build a bridge and get over it. Miskien as hy en Clive begin praat oor wie die opdrag gegee het gaan baie koppe rol. Ek dink nogsteeds iemand het die opdrag gegee. Die ou kan maar nou wragtig uitkom. Moordenaars loop op straat maar dis dalk net omdat hy die verkeerde velkleur het.

Piet Piper

Wil Mevr Hani nie ook by howe waar wrede plaasmoordenaars verhoor word, haar gewig en gesig bietjie gaan wys ?

m

Die hele bohaai is ma net omdat hy wit is. Hoeveel ander moordenaars kry nie borgtog nie en niemand maak enige bohaai daaroor nie.

Marietjie

Nelson Mandela was vrygelaat, deur n wit president en hy was soos n koning behandel (streng gesproke n terroris wat die wit mense wou dood maak), Walus het ook sy straf uitgedien, en
verdien om nou in sy huis tot rus te kom. Hanie se vrou klou aan die sensasie wat aan die moord gekoppel was vas.