Uitspraak gelewer in Oscar-appèlaansoek

Regter Thokozile Masipa. Foto: Kim Ludbrook/EPA/Pool

Regter Thokozile Masipa. Foto: Kim Ludbrook/EPA/Pool

Regter Thokozile Masipa het Vrydag uitspraak gelewer in die staat se aansoek om verlof tot appèl teen Oscar Pistorius se vonnis.

“Ek is nie oortuig dat ʼn ander hof tot ʼn ander gevolgtrekking sal kom nie,” het Masipa gesê voor sy die aansoek met koste van die hand gewys het.

Die staat het versoek dat die 29-jarige voormalige Paralimpiese atleet swaarder gevonnis word vir die moord op sy meisie, Reeva Steenkamp, op Valentynsdag 2013 in Pistorius se huis in Silver Lakes, Pretoria. Pistorius is aanvanklik skuldig bevind aan strafbare manslag, maar die skuldigbevinding is later na moord omgekeer.

In Julie vanjaar het Masipa Pistorius tot ses jaar tronkstraf gevonnis. Masipa het tydens die vonnisoplegging gesê lang tronkstraf sal nie geregtigheid tot gevolg hê in Pistorius se geval nie en dat dit onwaarskynlik is dat hy weer ʼn oortreding sal begaan.

Oscar Pistorius op 15 Junie in die hof. Foto: eNCA

Oscar Pistorius op 15 Junie in die hof. Foto: eNCA

Die staat het vroeër Vrydag aangevoer die hof het fouteer deur te bevind dat lang tronkstraf nie geregtigheid tot gevolg sal hê in Pistorius se geval nie. Staatsaanklaer adv. Gerrie Nel het gesê die hof moes meer klem geplaas het op die voorsienbare gevolge van Pistorius se dade en die dolus eventualis-aspek in die saak. Volgens Nel moes Pistorius geweet het indien hy vier skote deur die toiletdeur skiet, sal dit waarskynlik of selfs voor die hand liggend wees dat hy die persoon agter die deur sal doodskiet.

Adv. Barry Roux, Pistorius se regsverteenwoordiger, het in antwoord op Nel se betoog gesê hy beskou dit as ʼn belediging teenoor die hof dat die staat meen die hof het fouteer in sy uitspraak. “Die staat is bevooroordeeld teenoor die beskuldigde,” het Roux gesê. “Deur te sê die beskuldigde het ʼn ‘mate van spyt’ oor sy optrede terwyl Pistorius erg gehuil het en duidelik gebroke was, wys net die staat se vooroordeel.”

Lees alle vorige berigte oor Oscar Pistorius op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

90 Kommentare

jongste oudste gewildste
Yvonne

ASB kan ons nou net klaar kry met die Oscar stories, hoe minder ek nou van hom hoor hoe beter

oumalien

Mag die saga nou tot rus kom

Oumalien

Mag die Oscar saga nou tot rus kom. Genoeg is genoeg!

Griet

Kan die stomme Gerrie Nel nie nou maar net terugklim in sy hok en al die betrokke partye in die sage kans gee om met ‘n helingsproses proses vordering te maak nie. Ek dink Reeva se ouers moet, elke keer as hierdie sensasie soekende aanklaer ‘n draai in die hof gemaak het vir nog ‘n strofe van SY sage, weer al die seer en verlange van voor af probeer verwerk……..

KarooKlong

Jeeeeee..haaaaaaaaa ons gaan nou eers weer oor ses jaar hiervan hoor. Dankie tog.