Uitspraak gelewer in Walus se paroolaansoek

Argieffoto

Argieffoto

Die hooggeregshof in Pretoria het Dinsdag uitspraak gelewer rakende Janusz Walus, die moordenaar van SAKP-leier Chris Hani, se aansoek om op parool vrygelaat te word terwyl die saak by die appèlhof hangend is.

“Die aansoek word met koste van die hand gewys,” het waarnemende regter Tanya Brenner gesê. Die uitspraak is dié van regter Nicolene Janse van Nieuwenhuizen wat oorspronklik die saak aangehoor het.

Walus het aansoek gedoen om onmiddellik op parool vrygelaat te word hangende die uitslag van minister van justisie en korrektiewe dienste, Michael Masutha, se aansoek by die appèlhof dat Walus glad nie op parool vrygelaat moet word nie.

Walus, wat aanvanklik die doodstraf opgelê is vir die moord op Hani, se aansoek om parool is aanvanklik deur Masutha van die hand gewys. Walus het hierna die hof genader om op parool vrygelaat te word. Die hooggeregshof het op 10 Maart beveel dat Walus binne 14 dae op parool vrygelaat word waarna die minister aangedui het hy wil teen die uitspraak appelleer.

Masutha se appèl is egter van die hand gewys. Hy het hierna aangedui dat hy die appèlhof gaan nader. Walus se regsverteenwoordigers het hierna die aansoek ingedien om hom op parool vry te laat tot die appèlproses afgehandel is.

Lees alle vorige berigte oor Janusz Walus op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
Edward James Shawe Snr

Hoogs onregverdig! Terwyl die moordenaars van ons Boere en van witmense net n paar jaar tronkstraf uitdien en dan net vrygelaat word.

My bydrae

Ek stem saam…..Dubbele standaarde!!

johan

Een moet sit vir moord, terwyl swart moordenaars ons strate vol loop, so lyk n Kommunistiese Regering

Dubbel Standaarde

DUBBEL STANDAARDE

DIT WAT NOU GEBEUR IS ONREGVERDIG!
Sal eerder nie die res wat ek wil se, se nie!! Stem 100% saam met Edward!!!???

Jacomien

Wonder hoe sou die reaksie gewees het as Mandela nie vry gelaat is nie-hy was ook n moordernaar