Uitspraak voorbehou in saak oor vlag-twiet

ou-sa-vlag-nelson-mandela-stigting-en-ernst-roets

Ernst Roets van AfriForum en die Nelson Mandela-Stigting lewer kommentaar na die hof se uitspraak oor die ou Suid-Afrikaanse vlag. Foto: Verskaf.

Uitspraak is voorbehou in die Johannesburgse hooggeregshof waar Ernst Roets, AfriForum se hoof van beleid en aksie, vandag op aanklagte van minagting van die hof verskyn het.

Roets word van minagting van die hof aangekla nadat die Nelson Mandela-stigting ʼn klagte teen hom aanhangig gemaak het. Dit kom nadat Roets verlede maand ʼn foto van die ou landsvlag op sosiale media geplaas het, kort nadat die gelykheidshof beslis het die vertoon daarvan – in sekere kontekste – kom neer op haatspraak.

“Het ek nou net haatspraak gepleeg?” het Roets se inskrywing saam met die foto op Twitter gelui.

Die NMS het die hof versoek om Roets tronkstraf op te lê.

“Die NMS voer aan dat hulle dié saak dryf om versoening te bevorder. Tog eis hulle nou dat ’n burgerregteaktivis in die tronk gestop moet word oor ’n twiet,” het Roets gesê. “Dié gedrag is nader aan fascisme as aan versoening. Daar is baie krisisse en pyn in hierdie land. Die NMS kies egter om dit te ignoreer en hulle eerder op die onderdrukking van burgerlike vryhede toe te spits – boonop kwansuis in die naam van Nelson Mandela.”

Roets se verweer is dat hy bloot ’n akademiese vraag as doktorale student gestel het. Die stigting glo egter dat die plasing onder die voorwendsel van akademiese debat gemaak is.

Die klagte is teen Roets sowel as AfriForum aanhangig gemaak.

Die datum waarop uitspraak gelewer sal word, is nog onbekend.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

40 Kommentare

jongste oudste gewildste
Wurmpie

NMS raak nou net soos Julius. Huil oor alles. Plaas kla hul vir Julius aan oor sy twiets

JV

NMS sal niks doen aan Malema se twiets. NMS is n rassistiese instelling.

Adri

Kom ons hoop dat die regter (wie is dit?) hierdie keer gesonde verstand sal laat seëvier en nie weer sy naam met ‘n plank slaan nie.

Hans

Herinner meer aan Stalin era in USSR of Mao era van kultuurrewolusie.

Susan vl

Ek moes nou begin lag… weer lees… rerig?tronkstraf?..hoe siek is die voorstel?
Hoe “intimidate “.? Skokkend.
Ons monde kani en mag nie gesnoer word deur politiek besluite nie..