Uitspraak voorbehou oor Janusz Walus se parool

SAKP-lede in die hof betoog teen Janusz Walus se paroolaansoek (Foto: SAKP, Twitter)

Die Pretoriase hooggeregshof het Dinsdag uitspraak voorbehou in ʼn paroolaansoek deur Janusz Walus, wat skuldig bevind is op aanklag van moord op Chris Hani.

Walus het 25 jaar van sy lewenslange tronkstraf in die Kgosi Mampuru-gevangenis uitgedien vir die moord wat in April 1993 gepleeg is. Hy het die hof versoek om minister van justisie Michael Masutha se weiering om sy parool toe te staan, te hersien en tersyde te stel.

Dit is Walus se derde aansoek om parool. Hy het sewe jaar gelede ʼn positiewe aanbeveling ontvang van die paroolraad, maar sy parool is in 2013 deur die minister afgekeur.

Deur sy regsverteenwoordiger het Walus gesê hy het al verskeie kere sy berou uitgespreek aan die Hani-familie en die samelewing.

Sy lot is nou in die hande van regter Selby Baqwa, dieselfde regter wat in 2015 mediese parool toegestaan het aan Clive Derby-Lewis, wat Hani se moord saam met Walus beplan het. Die regter het egter in daardie stadium gesê hy glo die 79-jarige Derby-Lewis het berou getoon vir die moord.

Indien Walus vrygelaat word, sal hy glo na Pole terugkeer om saam met sy familie te wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Andrevr

Rassekwestie. Andere is allank buite. Walus het syn tyd gedoen in die tronk. Gĕ hom die laatste leewnsjare die kans om trug Pole tevat.

franje van spanje

Arme man het berou getoon.

jaco

Kommunisme het deur die loop van 1989 in Pole tot ‘n einde gekom. Dit was in elk geval nooit so streng daar toegepas soos in bv. die Sowjetunie en China nie. In 1990 is die ANC in SA gewettig en het almal geweet wat sou kom. Waarom is Walluz dan nie toe terug Pole toe nie? Die kommunisme wat hy so gehaat het, was dan in 1993, toe hy vir Hani vermoor het, reeds amper 4 jaar weg uit Pole uit. Kommunisme soos toegepas in veral Pole en Oos-Duitsland was in elk geval veel beter as alles wat tans in… Lees meer »

Avra

Laat hy terug gaan. Ons het lank genoeg sy “loses” betaal. Een skurk minder in die tronk en in die land.

FM

Ek dink sy velkleur speel n rol.