Uitvoerende hoof bedank ná Facebook-uitlating

Pieter Hattingh se plasing op Facebook wat aanleiding gegee het tot sy bedanking as uitvoerende hoof van Hattech Holdings

Pieter Hattingh se plasing op Facebook wat aanleiding gegee het tot sy bedanking as uitvoerende hoof van Hattech Holdings

Pieter Hattingh, uitvoerende hoof van Hattech Holdings, het Dinsdag uit sy amp bedank nadat hy rassistiese uitlatings op Facebook gemaak het.

Hattech Holdings het in ʼn verklaring bevestig Hatting het bedank na aanleiding van “onaanvaarbare kommentaar” op sosiale media. “ʼn Interne menslikehulpbronne-ondersoek duur voort, maar Pieter Hattingh het met onmiddellike effek as uitvoerende hoof van Hattech Holdings bedank,” lui die verklaring. “Hy sal van vandag af nie meer met die maatskappy verbind word nie.”

Hattech lewer sagteware- en hardeware-rekenaardienste aan verskeie maatskappye, waaronder verkoopspuntsagteware. Volgens die maatskappy se webwerf is Pick n Pay onder andere een van hul kliënte.

Hattingh het die maatskappy in 2012 saam met sy twee broers begin en hy het die Hattech POS Pro Software ontwikkel.

“Alhoewel die kommentaar gelewer is in ʼn toestand van emosionele woede, is dit geen verskoning nie vir die blatante rassisme wat ons na streef om uit te roei in dié land, wat ons liefhet en koester, vir die gelykheid en vryheid wat ons ontvang,” het die maatskappy in die verklaring gesê.

“Let asseblief daarop dat sy kommentaar en siening glad nie deur ons as ʼn maatskappy gedeel word nie en weerspieël nie ons siening op enige manier nie. Ons sal nooit enige hierdie tipe van rassistiese gesprekvoering goedkeur of ooit aanvaar nie.

“Ons vra om verskoning vir die skade wat dit veroorsaak het en die aanstoot wat hierdeur geneem is.”

Hattingh het Dinsdag aan News24 gesê hy was ʼn “idioot”. “Dit was dom van my om dit te sê en ek was verkeerd en vol berou,” het hy gesê. Hattingh het aan News24 gesê hy het reageer op ʼn plaasaanval waar twee bejaarde persone beseer is en dat hy nie weet wat hy gedink het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

56 Kommentare

jongste oudste gewildste
Frederik

Wanneer word plaasaanvalle en plaasmoorde dan nou ook aan die rassistiese klok gehang?

Disselboom

Geen klip om in hierdie man se rigting te gooi nie. Ja, ons moet mekaar bly oproep tot verstandigheid, maar dit wat mens voel by elke berig oor die wreedheid van aanvalle op vrouens, kinders, bejaardes en almal…. as dit nie hewige emosies in mens ontketen nie, is jy gevoelloos en leef jy nutteloos.

Elize

Die een wat teen hierdie tyd nog nie weet dat jy nie sulke uitlatings op sosiale media maak nie moet maar die gevolge dra. Dit terwyl ene Rita vir hom gesê hy beweeg op gevaarlike terrein. Nou het hy ewe skielik bitterlik berou. Lees niemand koerant of kyk nuus nie??

Jan maak n Plan

Ekt gister op hierdie inskrywing afgekom op Facebook en ek haal aan:- “Mabhulu Anyile You got it buddy. It has started and there is nothing that you pigs can do about it. It is called karma. This had happened before. One farmer everyday. Only one. We are going to eradicate all of you. One by one.” Sluit aanhaling. Nou verstaan ek nie so mooi wat rassime is nie. Geld dit nou net vir een groep mense of wat.

snoefie

arme man. ek kan dit verstaan. in die hitte van die oomblik. ouer mense het groot geword met daardie gewraakte woord. onthou, dit was tradisie. aan gesien dit ook n OORTREDING geword het om van *swart* mense te praat weet ek nie wat om hulle te noem nie. maar daardie ouer mense self gebruik vandag nog daardie woord in oorvloed nes die blankes. DIT WAS TRADISIE!!!!! dit was self in hulle woordeboeke.