UJ tree op teen ‘rassistiese’ dosent

Een van die dosent se inskrywings op haar persoonlike Twitter-profiel (Skermskoot verskaf deur Solidariteit)

Een van die dosent se inskrywings op haar persoonlike Twitter-profiel (Skermskoot verskaf deur Solidariteit)

Die Universiteit van Johannesburg (UJ) het Dinsdag bevestig dat een van sy dosente wat vermeende rassistiese inskrywings op haar Twitter-profiel gemaak het, hangende ʼn dissiplinêre ondersoek geskors is.

Maroela Media het vroeër berig die vakbond Solidariteit het in ’n skrywe aan die universiteit daarop aangedring dat daar dissiplinêr opgetree moet word teen die dosent.

Volgens Johan Botha, bedryfshoof van die Professionele Bedryf by Solidariteit, maak die dosent al vir ʼn geruime tyd snedige en afbrekende aanmerkings, spesifiek teenoor wit mense, op haar persoonlike Twitter-profiel. “Die dosent se inskrywings openbaar ʼn duidelike aanval op wit mense,” het Botha gesê. “Ons meen haar optrede druis in teen die deugsame kultuur en beginsels van die universiteit en blaas onnodige rassespanning aan. Sulke optrede moet in die kiem gesmoor word.”

Hy sê dat indien die universiteit na gelang van die dissiplinêre ondersoek nie na behore teen die dosent optree nie, Solidariteit verdere stappe teen haar en die universiteit sal oorweeg. “UJ handhaaf egter ʼn streng beleid ten opsigte van rassistiese optrede onder sy personeel. Ons meen die dosent se uitlatings regverdig die universiteit se dringende en streng optrede.”

Botha het verduidelik artikel 60 van die Wet op Gelyke Indiensneming maak voorsiening vir optrede teen ʼn werkgewer wat nie die nodige dissiplinêre stappe teen ʼn werknemer wat rassistiese gedrag openbaar, doen nie. “Dit is maar een van die moontlikhede wat ons sal oorweeg indien daar nie na behore teen die dosent opgetree word nie,” het hy bygevoeg.

Hier is van die dosent se inskrywings op Twitter:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Swanna

Het nog nooit gehoor van ‘n swart mens wat rassisities is nie, al se hulle wat. Sleg wittes is rassiste. So sy sal niks oorkom nie. Sy het die reg om sulke uitlatings te maak en sy mag dit ook doen want daar gaan niks met haar gebeur. Laat net ‘n wit persoon so iets op ‘n web blad plaas en ons het dit al in die verlede gesien. Dan is die “HEL” los. So, kom ons kyk of iets daar van gaan kom.

Dave

Jou tipe aanmerkings is perfek in hul kraal want ‘die witmense verwag tog dat daar nie opgetree sal word en hulle is tevrede daarmee’. Na àl die drama in die land kan ons doen sonder pessimisme soos joune. Uit jou skrywe is dit duidelik dat jy dit aanvaar en hêppie is daarmee.

Bruno Stef

Dit is die universiteit waar my kinders in die begin 1990 Gegradueer het tesame met my broer se 3 kinders toe dit nog RAU was.Ons sal moet hand en tand moet veg dat die verlinkse liberaliste en aanhangsels nie PUKKE in die selfde rigting probeer stuur nie my twee kleinkinders is een alreeds daar met die ander een op pad in 2 jaar.

Jean (Jacobs en Jan van der Merwe)

Sy het die reg om te haat, nes ek. Om dit publiek te maak laat almal weet van die haat. Ek word gereeld van “haat-spraak” beskuldig waneer ek mense van Jesus vertel, Sy liefde en opofferings etc. Versies aanhaal oor h0m05ek5ua1iteit ens. As jy ander aanhits, is jy dan skuldig waneer hulle wapens optel? As mense dan nou rerig net programeerbare rekenaars is, ok. So mense weet wat in haar hart is. Plaas sy nie haarself in gevaar daardeur nie? As jy opinies gaan kriminaliseer dan is ons inderdaad in ‘n komunistiese greep. Jou geloof is volgende… James 3:5 Even… Lees meer »

pop

Raai wie disgust my ook. en ERG, baie ERG