UK: ‘Meerderheid koshuisstudente ís swart’

Een van die voertuie wat deur betogers gebrand is. Foto: Verskaf

Een van die voertuie wat deur betogers gebrand is. Foto: Verskaf

Die Universiteit van Kaapstad (UK) het Maandag bewerings deur die RhodesMustFall-beweging (RMF) ontken dat daar teen swart studente gediskrimineer word ten opsigte van verblyfplasings.

“Ek wil dit duidelik maak dat [die stelling] heeltemal verkeerd is,” het Max Price, UK se visekanselier, gesê. “Kyk maar na die syfers: Ons het 6 600 beddens in ons koshuise en meer as 75% daarvan is toegewys aan en word tans deur swart studente beset, so die oorweldigende meerderheid is swart studente.”

Price het die media toegespreek nadat ernstige geweld Dinsdagaand op die kampus uitgebreek het met verblyf die hoofrede vir al die chaos.

Hy het gesê die UK se verblyfbeleid gee “sterk voorkeur” aan studente wat met finansiële bystand studeer, omdat verblyf op die kampus effens goedkoper is as verblyf buite die kampus. Daar word ook voorkeur gegee aan studente wat nie van Kaapstad kom nie.

Historiese kunswerke wat deur betogers gebrand is. Foto: Verskaf

Historiese kunswerke wat deur betogers gebrand is. Foto: Verskaf

Price het gesê slegs ʼn kwart van die 27 000 studente wat aansoek gedoen het vir verblyf kan geakkommodeer word. Hy het gesê die universiteit help die studente wat nié verblyf op die kampus kry nie, om ander verblyf te soek. Hy het gesê daar is tot dusver verblyf vir meer as 2 000 studente gevind.

Hy het gesê sommige studente het by die verblyfkantoor opgedaag sonder dat hulle vir verblyf aansoek gedoen het, terwyl 50 studente nou in tydelike akkommodasie gehuisves word. “Ons glo dat ons binnekort ook vir hulle akkommodasie sal vind,” het hy gesê.

Price het beklemtoon dat die RMF-beweging die verblyftekort vererger het deur die die werk van die verblyfkantoor vir drie dae verlede week te ontwrig deur hul gewelddadige optrede en besetting van die kantore. Price se kantoor is ook Dinsdagaand met ʼn petrolbom bestook.

Hy het gesê die universiteit het nog altyd vreedsame betogings ondersteun, maar moes Dinsdagaand die lyn trek toe die betoging gewelddadig geraak het. Kalmte het Woensdag op die kampus geheers en klasse het soos gewoonlik voortgegaan.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
Fransie

Wonder wat gaan die volgende verskoning wees vir n barbaarse gedrag?
Enigiets, maar moet net nie klasdraf, eksamen skryf en die ergste van alles- eksamens deurkom nie!!

anna

ja max price jy het mos verlede jaar gese die studente moet betoog en dat jy trots is dat jou eie kind betoog. kry vir jou!!!!!

Luister

Hoeveel van hulle is pers?

humor

Ek is so dankbaar daar was n plekkie by n diebare tannie in Dwarsstraat34 te Potch. 1973 tot 1975. Kon die volle ontspanne tyd deeglik benut.Nee man kan jy dan nie lees nie hulle is swart, swart studente. Die perses is nie so bevoorreg nie. By verre in die minderheid.

Sputnik

As jy wel dit gesê het Max, het ek nóg minder simpatie met UK.