UK-visekanselier kap regering; trots op sy betogende seun

Price spreek studente toe. Foto: Twitter

Price spreek studente toe. Foto: Twitter

Max Price, visekanselier van die Universiteit Kaapstad (UK), het Donderdag die regering gekap oor sy subsidies aan universiteite en terselfdertyd sy seun geloof wat in hegtenis geneem is tydens Woensdag se betoging by die parlement.

Price het gesê die #FeesMustFall-beweging is ʼn nasionale kwessie en gaan nie oor individuele universiteit nie. “Dit gaan oor die hoeveelheid geld wat die regering aan hoër onderwys- studente toeken en dat dit afneem,” het hy gesê.

“Ek wil dit duidelik maak dat die universiteit die #FeesMustFall-beweging steun. Indien ons kon sou ons saam met hulle betoog het. Dit is hoekom ons gister die universiteit gesluit het, om studente en werkers die geleentheid te gee om deel te neem aan ʼn nasionale dag van aksie.”

Price se seun, Ilan, is een van die studente wat Woensdag by die parlement in hegtenis geneem is. “Ek wil ook sê dat ek trots is op my seun.” Price het ook die universiteit se besluit om ʼn interdik teen die betogende studente te kry verdedig.

Die universiteit sal Vrydag steeds gesluit wees en eksamens is intussen uitgestel.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

Rudi ·

Nogal ‘n slim kalant. Gebruik sy seun om die ANC tussen die bene te skop. En die ANC studente massas het dit seker nie verwag. Hul staak nou teen hul eie verkose regering. Hul het seker gedink dat op die manier die BBBBEEEEE kandidate verniet sou kon studeer en dat ons wetgehoorsames maar die rekening moet betaal. Presies soos wat dit tans in Soweto gebeur waar die wetgehoorsame blanke gebiede die munisipaliteite aan die gang hou met belastings sodat die Soweto inwoners verniet dienste mag gebruik.

Johan ·

Ek dink die gort is nou gaar. Die sirkus kan nou in volle swang kom met studente wat die sogenaamde regering oorgeneem het. Dink Jakop se dae is getel.

christine ·

Hierdie studente kom vra maar net wat die ANC hulle met die stemmery in 1995 belowe het free schools free university for all. Hulle is al 21jaar aan bewind en kon dit nog nie doen nie. Laat hulle maar Zuma se komministiese vriende wat hy om homself gepak het, gas gee.

Dup du Plessis ·

Sou dit gratis gemaak word sal dit nogal ‘n baken wees vir ‘n gesin met 10 kinders. As elkeen ‘n 4-jaar kursus volg beteken dit 40 sorgvrye jare vir so ‘n gesin, en ons weet tog waar sal die subsidie vandaan moet kom. Ironies dat gratis skole (met bepaalde standaarde) nie aftrek kry nie maar wel die skole waar betaal moet word omdat daar ‘n ander standaard is juis a.g.v. skoolgelde wat gevorder word ( bv sportgeriewe, rekenaars, buite muurse aktiwiteite, ens.ens.) Sal persoonlik graag in die toekoms vir die goedkoopste model voertuig wil betaal maar aandring op die luukste model. Alles is darem nog nie verlore nie en by die Puk kampus verloop alles normaal. – Dis nou buiten die klompie wat oom Totius wou boelie die ander dag.

Dom ·

Geagte meneer Price

Ek hoop jy en die werkgewer besef dat jou seun eendag in die werkersmag sal moet intree en ek wil hom beslis nie in my maatskappy as ‘n werknemer hê nie want sodra hy ongelukkig is oor iets in die entiteit gaan hy ook staak. Hy pas is die staatsdiens maar nie in die privaat sektor nie. Ek sal persoonlik eerder buitelanders aanstel as van die stakende klomp studente.

Martin ·

Hierdie Regering het groot probleme. Zuma moet vandag mooi dink voor hy praat. Hy moet glad nie van Nkandla en sy R400 miljoen – 747-8 Boing wat hy onlangs ontvang het vergeet nie.

neelsie ·

Mr Price ,jou waardes en die van jou kinders is “op uitverkoping”, “Jy kry afslag vir dit waarvoor jy staan” Goedkoop-karaktertrek!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.