UKZN-betogings: Voertuie, gebou verwoes

Die voertuie nadat dit aan die brand gesteek is. Foto: ANA

Die voertuie nadat dit aan die brand gesteek is. Foto: ANA

Ses voertuie en ʼn gebou op die Universiteit van KwaZulu-Natal (UKZN) se Westville-kampus is heeltemal verwoes nadat dit tydens studentebetogings aan die brand gesteek is.

Lt.kol. Thulani Zwane, woordvoerder van die polisie, het bevestig dat die voertuie en die universiteit se senaatkamer-gebou aan die brand gesteek is toe ʼn groep van ongeveer 200 studente Maandagaand betoog het.

“Hulle het ses voertuie op die kampus gebrand, die polisie met klippe bestook, die Sentrumbestuurkantoor beskadig en ʼn pad afgesper,” het Zwane gesê. “Sake van openbare geweld en brandstigting word deur die Westville-polisiestasie ondersoek.”

Die voertuie nadat dit aan die brand gesteek is. Foto: ANA

Die voertuie nadat dit aan die brand gesteek is. Foto: ANA

Die universiteit wou nie Dinsdag onmiddellik kommentaar lewer nie en daar word verneem dat die UKZN-bestuur in ʼn vergadering is om die voortslepende betogings by die instansie te bespreek. Bronne op die kampus het egter beweer dat drie van die voertuie aan die universiteit behoort het, terwyl die ander veiligheidsmaatskappye se voertuie was.

Die voertuie is reg buite die universiteit se Risikobestuursentrum, wat die instansie se sekuriteit bestuur, aan die brand gesteek.

Maandagaand het betogings ook voortgewoed op die universiteit se Pietermaritzburg-kampus, sowel as die Howard Kollege-kampus. Vroeër die dag is 13 studente in hegtenis geneem.

Die studente betoog teen moontlike fooiverhogings en onvoldoende verblyf op die kampusse. Dit is nie duidelik of lesings voortgaan te midde van die betogings nie.

Lesiba Seshoka, woordvoerder van die universiteit, het Maandagoggend in ʼn verklaring gesê UKZN het ʼn hooggeregshofinterdik bekom wat onwettige protesaksie, betogings, massa-aksie, intimidasie of enige geweld teenoor mense of eiendom op die universiteit se kampusse en by die ingange van die kampusse verhoed.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

28 Kommentare

jongste oudste gewildste
Ruiklont

Daar moes tog kameras gewees het, sluit hulle toe vir baie lank, almal wat daartoe bygedra het.

Gideon

En dit is die room van samelewing wat gaan studeer?? Wat kan ons dan van die res sê!

Georgie

Red ‘n volk met so ‘n nasie…(Sug)

Scalla

Nou wat het die voertuie en gebou daarmee te doen en dit is kastige leiers van die toekoms, bring terug die sambok vir skare beheer.

tw

A nee a, sluit alle universiteite, laat die wat werklik wil studeer gaan werk en buitemuurs studies voort sit. Die wat dan regtig wil voor uitgaan in die lewe sal n groot sukses daarvan maak. Besef hierdie jonges wat n voorreg dit werklik is om te kan studeer?