Unisa dreig met hofbevel teen ontwrigtende studente

Die Unisa-kampus in Sunnyside. (Foto: Izelle Jacobs/Unisa)

Unisa sê hy sal nie huiwer om ʼn hofbevel te bekom om die belange en eiendom van sy studente te beskerm teen oproerige studente nie.

Tommy Huma, woordvoerder van Unisa, sê die universiteit het onlangs bewus geword van die beoogde ontwrigting van die akademiese program op verskeie van sy kampusse.

“Unisa wil dit onomwonde stel dat enige ontwrigting van die akademiese program strydig is met die universiteit se beleid en ʼn skending van die regte is van studente wat nié aan sulke optrede deelneem nie. Dit is vir die universiteit ook absoluut onaanvaarbaar dat voorvalle aangemeld word waar studente hardhandig uit studiesale gesleep en met geweld gedreig word,” het Huma gesê.

Dit is onseker waaroor studente ontvrede is. Dit gebeur egter gereeld dat Unisa-studente staak voor ʼn groot eksamen.

Unisa sê sy bestuur het reeds verskeie vergaderings met die nasionale studenteraad gehad en oor ʼn hele aantal sake ooreengekom. Die bestuur het ook al begin werk maak van sommige van die griewe wat die studente geopper het.

Volgens die universiteit is dit ʼn oortreding vir enigiemand om die universiteit se werksaamhede of akademiese program te ontwrig. “Unisa doen ʼn beroep op studente om die regte te respekteer van diegene wat vir die eksamen wil voorberei en om hulle te weerhou van enige optrede wat tot tugstappe kan lei.

“Die universiteit gaan nie huiwer om ingrypende stappe te doen teen diegene wat onwettig optree nie,” het Huma gesê.

Unisa is geen vreemdeling vir gewelddadige optrede deur studente nie. In Januarie vanjaar, selfs nog voor die akademiese jaar behoorlik afgeskop het, het die studente van Unisa se Sunnyside-kampus al gedreig om te begin staak as daar nie aan die eise van die studenteorganisasie Sasco gehoor gegee word nie. Studente het onder meer geëis dat hulle van handboeke en skootrekenaars voorsien word.

Die universiteit het ʼn paar dae later wél ʼn interdik bekom om die studente te verhoed om enige bedrywighede te ontwrig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

10 Kommentare

jongste oudste gewildste
Wurmpie

Staak voor eksamens. Omdat hul nie weet wat daar aangaan nie. Niks geleer in die jaar wat verby is

Cecilia

Want hulle is te lui om te leer en wil mos alles op ‘n skinkbord he. Maak nie saak van die studente wat wil skryf en klaarmaak met hul studies nie. Dan word daar gereeld gedans in die strate dat Fees Must Fall, maar hulle wil ook nie eksamen skryf nie, Die land is absoluut belaglik.

Dr Phil

Dis wat gebeur as die stert toegelaat word om die hond rond te swaai…
Wat jy saai, sal jy maai…

Hennie

O gits, julle het vergeet om dit detail te gee. Dis swart studente wat die universiteit ontwrig. Jip, swart kinders wat geen idee het waarheen met die lewe nie.

Josua Keys

Dit is juis die student wat alles verniet kry wat droog maak of, om meer regverdig te wees, die meeste wat nie betaal vir studies nie. Die wat wel ten duurste betaal ly daar onder. Ek voel dat die wat wel betaal se regte beskerm moet word ongeag die wat droogmaak. Skors die wat klasse ontwrig en verwyder hulle van die Unisa se perseel met n hofbevel wat hulle toegang tot sulke instansies weier. Dit het tyd geword dat daar van hulle voorbeelde gemaak moet word dan sal die snert vir eens en altyd stop. Besef die mense nie waste… Lees meer »