Unisa kry interdik; TUT-reses vervroeg

Unisa-kampus. Foto: Izelle Jacobs / Unisa

Unisa-kampus. Foto: Izelle Jacobs / Unisa

Unisa het ʼn interdik bekom om te verseker akademiese bedrywighede kan voortgaan.

Die vise-kanselier en bestuur van die universiteit het in ʼn verklaring gesê hoewel hulle begrip het vir studente se bekommernisse, het die universiteit ʼn verantwoordelikheid om te verseker akademiese bedrywighede gaan voort.

“Unisa het ʼn hofinterdik in plek, wat betogers verhoed om eiendom te beskadig, onwettige gedrag aan te moedig of daaraan deel te neem en ander studente en personeel te dreig of leed aan te doen.” Volgens die universiteit mag betogende studente ook nie klasse, toetse of gradeplegtighede ontwrig nie en ook nie op die universiteit se kampusse betoog of ingange blokkeer nie.

Die Tshwane Universiteit van Tegnologie (TUT) het intussen sy reses weens die betogings vervroeg. Die reses begin op 27 September en klasse hervat weer op 10 Oktober. Volgens TUT is die besluit van toepassing op alle kampusse behalwe Soshanguve, Polokwane en Mbombela.

Personeel sal egter op 28 September hul werksaamhede hervat. “Toetse wat Vrydag, Saterdag en Maandag geskryf sou word, is uitgestel tot na die reses. Toetse wat vir 27 tot 30 September geskeduleer is, sal egter voortgaan.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

5 Kommentare

jongste oudste gewildste
Lance

Lees dit : 30% pass requirement at schools not ‘challenging enough’ – SAIRR

http://www.news24.com/SouthAfrica/News/30-pass-requirement-at-schools-not-challenging-enough-sairr-20160927?

shared via @News24

Basson

Wys my ENIGE kampus waar die interdik die papier werd is waarop dit ‘geskryf’ is.