Unisa reageer op vraestelle wat verkoop word

Die Unisa-kampus in Sunnyside. (Foto: Izelle Jacobs/Unisa)

Unisa het Dinsdag aan Maroela Media bevestig dat sommige van die vraestelle wat tydens die eindeksamen geskryf is, vooraf geadverteer en “te koop” aangebied is aan studente wat die betrokke eksamen afgelê het. “Ons kan bevestig dat sommige van die vraestelle voor die eksamen aan studente beskikbaar gestel is. Unisa was egter nie bewus daarvan dat vraestelle te koop aangebied sou word toe die eindeksamen op 1 Oktober afgeskop het nie,” sê Thomas Huma, Unisa se woordvoerder.

Verskeie studente het by Maroela Media gekla dat hulle die afgelope weke WhatsApp-boodskappe ontvang het waarin die vraestel wat hulle tydens die eindeksamen skryf, te koop aangebied word. In dié boodskappe, wat Maroela Media ook onder oë gehad het, is vraestelle vir die ekonomie-, finansiële rekeningkunde- en belastingeksamen geadverteer. Studente kan die vraestel sonder antwoorde vir R1 200 aanskaf en moet ʼn skamele R300 meer opdok as hulle die antwoorde op die vrae óók wil hê.

Maroela Media kon intussen vasstel dat vraestelle vir vakke in die LLB-studierigting ook te koop aangebied is. Unisa kon nie sê hoe die ondersoek verloop ná die verkoop van vraestelle tydens vanjaar se Junie-eksamen nie en wou ook nie verklap watter voorsorgmaatreëls hulle getref het om te voorkom dat vraestelle verkoop word nie.

“Studente word aangemoedig om nie aan sulke bedrieglike aktiwiteite deel te neem nie. Enige studente wat hulle wel aan bedrog skuldig maak, sal na die universiteit se dissiplinêre eenheid vir studente verwys word,” sê Huma. “Sou ʼn student daaraan skuldig bevind word dat hy die dissiplinêre kode vir studente oortree het, sal sy modules gekanselleer en sy punte teruggetrek word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
Johnny

AFRIKA ANC AFRIKA

Oplossing

Dis eenvoudig, die Universitet het die vermoë (en mandaat) om elke student se vordering (rekord en punte) na te gaan… Te bepaal wie skielik uitstekende presteerders is en sodoende te begin sif… Besef die mense nie hulle doen hulself en hierdie land groot skade aan nie!

Ongelukkig

Dis nie die eerste keer nie Unisa. Ondersoek die opstellers, dosente, en mense wat die printing doen. Dit kan nie so moeilik wees om agter te kom dat ienand binne dit laat uitlek nie. En elke keer word studente wat hard werk, en geleer het benadeel deur julle onvermoë om vraestelle veilig te hou!!!

Gert van Wierdapark

Hu-ma(ak) jy nou as jy nie geleer het nie en jy kry die vraestel en antwoorde vir net ‘n bedraggie van R1 500! Indien dit waar is, is daar mos ‘n groot skroef los wat die sekuriteit rondom die vraestelle betref!? Klink vir my soos ‘ n “inside job”!!!

Zoro

Nou maak dit duidelik sin hoe mense wat gesukkel het op skool so maklik grade kry sonder onder rig –