Universiteit kry hofinterdik teen betogers

Studente betoog by Wits  (Oktober 2015) Foto: Wits, Facebook

Studente betoog by Wits (Oktober 2015) Foto: Wits, Facebook

Die Universiteit van Kaapstad (UK) het Maandag ʼn dringende hofinterdik teen betogende studente gekry om hulle te verhoed om met die universiteit se bedrywighede in te meng.

Die universiteit het in ʼn verklaring gesê hy is baie bekommerd oor die feit dat betogers deur ’n geslote hek gebreek het om onwettig die Brember-gebou op die middelste kampus te beset. “Ons hoop hierdie hofinterdik sal die studente oortuig om die perseel te ontruim,” lui die verklaring.

“Ons is gewillig om enige en alle kwessies met die betogers te bespreek, maar dit is noodsaaklik dat die universiteit se bedrywighede terugkeer na normaal. Dit is nou die eerste prioriteit.” Eksamens is veronderstel om later die maand by die universiteit af te skop.

Die UK is een van minstens drie universiteite wat gister bedrywighede moes opskort weens betogende studente wat die kampusse tot stilstand gedwing het. Chaos het Maandag by die Universiteit van die Witwatersrand ontstaan toe studente die kampus beset het en paaie om die universiteit afgesper het. Die Rhodes-universiteit was ook vir die dag gesluit nadat meer as 100 betogende studente die kampus bestorm het.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Asjas

En dit is ons toekomstige dokters, prokureurs en geleerdes???

nico

Hulle kort om mariere geleer te word maar wat kan ons doen as die anc die land opneuk dan kan hulle seker maar die universitye ook opneuk ons land is n orkaan besig om op te bou en wag vir uitbarsting

Berhalet Beukes

Julle wou hulle toelaat om Rhodes beeld te verwyder en almal het gee weet dis die begin van nóg en nóg en nóg! Pluk nou maar die vrugte daarvan!

Willie

Ek kan net nie verstaan dat na ‘n hofbevel die Universiteit hoop die studente sal die perseel ontruim indien hulle dit nie doen nie laat hulle arresteer en skors hulle lewenslank uit die Universiteit uit. hulle is nie daar om te leer nie, en hulle is die minderheid, wat alles vir die meerderheid wat wil studeer opmors.

Piet Pompies

Die regering is lank al nie meer in beheer van die land, pasop, die gevolge daarvan is ‘n baksel van geweld die hele land vol