Universiteit van Pretoria kies slegs-Engels-taalbeleid

Die Skip (Universiteit van Pretoria) Foto: AfriForum Jeug

Die Skip (Universiteit van Pretoria) Foto: AfriForum Jeug

Die raad van die Universiteit van Pretoria (UP) het met instemming van die senaat die voorstel aanvaar dat Engels die primêre taal van onderrig en assessering aan die universiteit sal word.

Die universiteit het in ʼn verklaring gesê Afrikaans sal geleidelik uitgefaseer word vir studente wat reeds geregistreer is. “Die implementeringsdatum is onderworpe aan die proses wat gevolg moet word by die departement van hoër onderwys en opleiding om die universiteit se statuut te verander.”

Volgens die universiteit is die doel van die nuwe beleid om “maatskaplike samehorigheid” en “inklusiwiteit” te bevorder. Die universiteit sê die besluit volg op uitgebreide konsultasieprosesse en insette van alle belanghebbendes, ingesluit die transformasiewerkgroepe en die onafhanklike paneel wat vir die rede aangestel is.

Volgens die universiteit is daar ook besluit dat Afrikaans as ʼn taal van geleerdheid gehandhaaf moet word, terwyl die ontwikkeling van Sepedi na ʼn hoër vlak van wetenskaplike diskoers ondersteun moet word. “Die raad het aanbeveel dat die bestuur ʼn implementeringsplan moet voorberei, asook personeel- en begrotingsbehoeftes moet identifiseer om effektiewe taalondersteuning te bied.”

Die burgerregte-organisasie AfriForum het intussen aangekondig dat hy konsultasie met sy regspan en ander belanghebbendes sal voortsit om te verseker dat die grondwetlike taalregte van Afrikaanssprekende studente en voornemende Afrikaanse studente nie geskend word nie.

Volgens Alana Bailey, adjunk uitvoerende hoof van AfriForum verantwoordelik vir taalregtekwessies, het Afrikaans ʼn politieke speelbal op kampusse geword. “Die gees van die Grondwet, beste opvoedkundige praktyke, die jongste tendense in onderrig, internasionaal erkende taalregte … dit alles word geïgnoreer ten koste van die ideologiese agenda teen die taal,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

120 Kommentare

jongste oudste gewildste
MCS

Ja,kom ons toy-toy, brandaf,plunder en dreig almal af dan kry ons wat ons wil he! Dis lekker wat geen een van hulle het n dag in hul lewens gewerk of geswot vir wat hul wil bereik! Waar gaan hierdie land eindig!

AJ

Wat van die kwaliteit van die diskoers? Waar almal in die 12de taal van die land (dit is VROT ENGELS) kommunikeer gaan die kwaliteit van die redenasies verlore. Dit is tog alom bekend! So, Tuks bevorder noodwendig middelmatigheid in onderrig en leer ter wille van politieke korrektheid. In die huidige inligtingsera waarin die mensdom hom wêreldwyd bevind, wprd neergekyk op gemmiddelheid. Ongelukkig kan ons nog duisende werklose graduandi verwag met diê VROT ENGELS beleid van Tuks. Ons skrander Afrikaanse matrikulante kan baie beter waarde kry deur in te skryf by aanlyn internasionale universiteite waar hulle op meriete toegelaat en beoordeel… Lees meer »

Wat-ek-lees

Nog meer motivering vir ons eie.
TUKS, hou noord en foeter voort.

snoefie

dis dalk tyd om te se tuks is dan welkom aan hulle”engelse”. sal interessant wees om te sien how very hulle gaan kom sonder betalende students.

Luister

HOE is die wegneem van Afrikaans; “inklusiwiteit” ?