Upington-gemeenskap geskok oor moord op 72-jarige man

Argieffoto: Kent Williamson

Die gemeenskap van Upington in die Noord-Kaap is geskok oor die afsterwe van die 72-jarige Frikkie Rademeyer.

Rademeyer, ʼn geliefde inwoner van Middelpos in Upington, se liggaam is Saterdag in sy huis gevind met verskeie meswonde.

Kol. Mashay Gamieldien, woordvoerder van die polisie, het aan Maroela Media gesê Rademeyer se bure het die polisie Saterdag omstreeks 11:00 ontbied in verband met ʼn moontlike rooftog. “Toe die polisie by die toneel opgedaag het, het hulle die oorledene in die gang van sy huis gevind. Hy is ʼn paar keer met ʼn mes in sy bors gesteek en is op die toneel dood verklaar.”

Gamieldien het gesê niemand is nog in verband met die moord in hegtenis geneem nie.

Lt.kol. Doggie Magugu versoek die publiek om hulle by te staan met enige inligting wat tot die inhegtenisneming van die aanvallers kan lei. Kontak hom by 082 469 0578. Alle inligting sal vertroulik hanteer word.

Rademeyer se gesin kon nie in hierdie stadium verder kommentaar lewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

14 Kommentare

jongste oudste gewildste
Philip

Tragies. Nog ‘n moord op ‘n ou man. Die moordenaars is lafaards want hulle kom nie alleen om ons ou mense te moor nie maar in getalle. Ek was self een en is vir dood agter gelaat. Daar was 2 van hulle. Die tragedie in my geval die man het vir my gewerk en het dit op Sondagaand 7 uur gebeur. Hy is 24ste Januarie vir agt jaar gevonnis. Ek neem geen persone in diens nie en sluit ek my toe. Mort seker my laaste jare ook soos tronkvoël deurbring. Innige simpatie met naasbestaandes. Mag die Here hul bystaan gedurende… Lees meer »

Jillian Alcott

“Just as libraries connect the past and the present to the future, oral histories of a community’s elders extend the legacies of these individuals to generations yet unborn. They are a source of wisdom and experience that need not be lost when they are no longer with us.”
Dennis Sparks

Marinda

Dis tragies. Sterkte aan die familie en naasbestaandes.

Hanna Hoekom

Lafaards! En so sak julle op weerlose oumense toe. Watter weerstand kon daardie ou man bied? Julle is lafaards! Moenie kom met “misdaad” of “huisroof” nie: dis HAAT. Finish en klaar.

Spike

Danksy die comrades en kaders.