US-raadslid oor transformasie: ‘Onverdraagsaamheid wek diep kommer’

Piet le Roux. Foto: Reint Dykema

Piet le Roux. Foto: Reint Dykema

“Sulke onverdraagsaamheid vir meningsverskille oor wenslike en onwenslike transformasie, boonop nog in ʼn akademiese omgewing, wek diep kommer.”

Só het Piet le Roux, hoof van die Solidariteit Navorsingsinstituut en raadslid van die Universiteit Stellenbosch, gesê in reaksie op die universiteitsraad wat hom van Le Roux gedistansieer het nadat Le Roux hom teen transformasie by die US uitgespreek het.

Le Roux het verlede week getwiet: “Blade Nzimande en #transformanie gaan nie wen nie. Ondersteun die nuwe Afrikaanse Alumni-vereniging (sic).”

Nzimande is die minister van hoër onderwys.

Le Roux het Dinsdag aan Maroela Media gesê hy het deur die media van die uitvoerende komitee se verklaring te hore gekom. “Minister Nzimande, met sy destruktiewe ‘radikale transformasie’, mag nie wen nie – dit sal die einde van die universiteitswese in Suid-Afrika wees. Transformasie in ‘n konstruktiewe sin moet iets heeltemal anders as die afdwinging van die nasionale rassedemografie en die verdagmakery van Afrikaans en Afrikaanse studente en personeel wees.”

Die universiteit het in ʼn verklaring gesê die uitvoerende komitee het Maandag tydens ʼn vergadering die universiteitsbestuur se hantering van die transformasieproses goedgekeur en sy volle steun van en vertroue in die bestuur herbevestig. Die komitee het gesê hoewel hy Le Roux se “konstitusionele reg om sy eie opinies te huldig, erken”, sy uitlatings “indruis teen die raad se amptelike standpunt”.

Le Roux het gesê dit is jammer dat die uitvoerende raad gekies het om hulself van hom te distansieer. “Ek het my eie standpunt gestel, binne my regte opgetree en geen uitsprake namens die universiteit gedoen nie. Die distansiëring kan in hierdie stadium ongelukkig nie anders gesien word nie as ’n blyk van onverdraagsaamheid. In so ’n omgewing word vrymoedige deelname aan die debat – en juis ook vir personeel en studente – onmoontlik. As dít die reaksie is wanneer ’n raadslid van mening verskil, dink net watter gevolge kritiek op transformasie vir enige personeellid se loopbaan sal inhou.”

Le Roux is ook een van agt bekende oudstudente van verskeie plaaslike universiteite wat deel is van die nuutgestigte Afrikaanse Alumni-vereniging. Die vereniging is op die been gebring ter behoud van Afrikaans in Suid-Afrikaanse universiteite (lees meer hier).

Die uitvoerende komitee het intussen aanbeveel dat die raad die implikasies en moontlikheid van sanksies wat kan voortvloei uit Le Roux se uitlatings in die lig van die gedragskode van lede van die raad, ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
AH

En so val nog n universiteit in die hande van n rasistiese regering en al wat die man gedoen het is om sy eie mening te weer tegee terwyl die van die slap gatte te bang was om die waarheid in die gesig te kyk

Kaspaas

Wys net hoe rassisties n Universiteit kan wees om na die pype van die ANC te dans, open stellenbosch ontwrig klasse en niks gebeur, EFF val studente by elsenburg aan en niks gebeur maar ooo dinges laat n afrikaner sy mond oopmaak en hulle wil optree

Johann Marx

Trotse lid van die onderdrukte Afrikaanse minderheid. My voorouers het ‘n land tot stand gebring…..wat het jou voorouers gedoen?

CHRISTA

Ek wil net weet: As ‘n klomp Afrikaanse studente by universiteite soos Wits en selfs voormalige swart universiteite instap en EIS om ook in Afrikaans onderrig te word, sal hulle eis toegestaan word (soos wat van die Afrikaanse universiteite verwag word), of gaan hulle in die pad gesteek word?

Duncan Gill

Daar is destyds n oorlog teen Afrikaans en Afrikaners as gevolg.enige persoon wat dit nie erken is
deelname van hierdie volksmoord,hierdie uitwissing van n volk en hulle kultuur .Ek het nie vir hierdie type uitwerking my merk gemaak in 1989!Ek trek my “ja” stem terug en sal my reg maak vir wat net hieruit sal kom. Hulle ken net een weg vorentoe,hulle moet kry wat hulle soek..!