UV-kampus gesluit ná geweld by rugbywedstryd

Universiteit van die Vrystaat Foto: UV, Facebook

Universiteit van die Vrystaat Foto: UV, Facebook

Die kampus van die Universiteit van die Vrystaat (UV) sal Dinsdag en Woensdag oral gesluit wees ná ʼn betoging deur kontrakwerkers Maandagaand gewelddadig geraak en verskeie mense beseer is.

Die universiteit het Maandagaand in ʼn verklaring gesê die veiligheid van personeel en studente is die bestuur se eerste prioriteit en daarom sal alle akademiese en administratiewe aktiwiteite vir die volgende twee dae afgestel wees.

Maroela Media het vroeër berig dat ʼn reusegroep betogers tydens ʼn wedstryd op die veld gehardloop het waar die Shimlas-rugbyspan teen die Madibaz van die Nelson Mandela Metropolitaanse Universiteit (NMMU) gespeel het. ʼn Geveg het tussen die spelers en betogers uitgebreek en talle omstanders het ook op die veld gehardloop.

Die universiteit het laat die aand in ʼn verklaring gesê dat lede van die UV se veiligheidsdienste die vrede probeer bewaar het, maar dat hulle verreweg in die minderheid was. “Die betogers is deur toeskouers van die veld af gejaag en aangerand. Beseerdes moes deur mediese personeel behandel word. Dit is in hierdie stadium duidelik dat die betogende groep én die omstanders nie-studente by hul groepe ingesluit het,” het die universiteit gesê.

“Die senior leiers van die UV veroordeel die geweld teen die betogers ten sterkste; niemand het die reg om die gereg in eie hande te neem nie. ʼn Dringende ondersoek is van stapel gestuur deur beeldmateriaal van die voorval te gebruik en geen steen sal onaangeroer gelaat word om diegene wat gewelddadig opgetree het te eien nie, of hulle nou studente is of nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
J

Ag tog. Die betogers het dan handgemeen geraak met die spelers op die veld. Wat soek die betogers op die rybyveld gedurende n wedstryd. Moes die toeskouers toe kyk hoe n vriend of familie lid onskuldig aangerand word.

At Fourie

Stem saam met vorige skrywer ….Jy is die stout kind en as jy dan pak kry dan is die een wat die pak gee die vark in die verhaal. Fooitog areme betogers.

hans

Blyk dat die ontwrigtende betogers se optrede kondoneer word deur UV bestuur en dat die spelers en toeskouers se regte om n rugby wedstryd in ontspanne atmosfeer te geniet nie ter sake is nie. So betogers se regte is absoluut en hulle mag reg in eie hande neem. N besondere vreemde siening van reg en geregtigheid deur UV bestuur.

Kaspaas

Wel die nuus wat tans breek is die aanvalle op wit studente gisteraand op die UV koshuise. En die politieke partye is stil…. almalmoet die berigte stuur na vriende en familie oorsee om verder te versprei. Die aanslag op blankes in die land is besig om n nuwe baadjie tekry en die wereld moet hulle stem dik mask alhoewel n nens weet hulle sal niks doen

Bennie

Die senior leiers veroordeel die geweld teen betogers…..
Hoe belaglik wil die spul wees??
Toeskouers het vreedsaam na n wedstryd gaan kyk. Wie gee die spul die reg om die wedstryd te ontwrig?? Genoeg is genoeg.