UV se studenteraad sê ‘Kovsies’ moet waai

universiteit van die vrystaat 3

Hoofgebou op die Bloemfontein-kampus van die Universiteit van die Vrystaat Foto: UV Facebook

Die Institusionele Studenteraad (ISR) van die Universiteit van die Vrystaat (UV) wil die term “Kovsies” skrap omdat hulle glo dié naam hou steeds met apartheid en diskriminasie verband.

Die studenteraad het in ’n voorlegging aan die bestuur van die UV sy misnoeë uitgespreek oor die gebruik van die term “Kovsies” meer as 20 jaar nadat apartheid reeds tot ’n einde gekom het. Die raad voer aan studente is ook nie ten gunste van die term nie weens die “koloniale geskiedenis” verbonde daaraan.

Die raad voer verder aan dat die term nie die werklike toewyding aan diversiteit en maatskaplike geregtigheid weerspieël nie.

Die UV se naam was oorspronklik die Grey-universiteitskollege (GUK) waarna die naam in die 1940’s na die Universiteitskollege van die Oranje-Vrystaat (UKOVS) verander het. Kovsies is afgelei van UKOVS.

Volgens die studenteraad word die term Kovsies verbind aan ’n tydperk toe die universiteit ander rasse, buiten wit mense, uitgesluit het. “Studente voel nie welkom by die universiteit oor dié naam nie,” lui die studenteraad se voorlegging.

In die voorlegging versoek die studenteraad die bestuur om die term van alle amptelike en nie-amptelike platforms te verwyder. “Die universiteit moet homself glad nie meer met die term verbind nie,” sê die studenteraad.

Lacea Loader, woordvoerder van die universiteit, sê die uitvoerende bestuur van die UV is bewus van die studenteraad se beswaar oor die gebruik van die term “Kovsies”.

“Die bestuur is teleurgesteld dat die studenteraad verkies het om uitlatings oor die gebruik van die term in die openbaar te maak en eers daarna ’n formele versoek daaroor aan prof. Puleng LenkaBula, viserektor vir institusionele verandering, studentesake en gemeenskapsontwikkeling, te rig,” sê Loader.

Loader het gesê die universiteit sal met die studenteraad in gesprek tree oor die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Jaco

Hoekom gaan jy na ‘n plek as jy voel jy is nie welkom nie? Ek bly weg en gaan dan na die plek waar ek weet ek welkom is.
Hoe moeilik is dit om dit te verstaan?

Kaal Keiser

Is als nie maar uit apartheid nie. Die geboue, strate en parke en noem maar op.

ES

Lag ek nou sommer hardop – daar is mense van alle kleure wat saam met my werk wat trots is daarop om hulleself “oud-Kovsies” te noem en verbind die term geensins met “kolonialisme” of rassisme nie.

Hul tyd op universiteit, as Kovsies, was van die beste gewees ooit.

Ek dink universiteite moet vir individue wat nie van die term hou nie, die geleentheid gee om elders anders te gaan studeer waar hulle gevoelens nie so seer hoef te kry nie.

Dis ‘n absolute grap.

Andre

Ek is nie ‘n ou Kovsie nie maar ek stem saam.Hoekom hoekom alles verander wat goed en mooi met waarde was ? As ons blankes ook moet op loop gaan met alles wat vir ons onaanvaarbaar is en herhinner aan korrupsie,wetteloaasheid ens waar gaan alles eindig ? Ek kan aan lyste dinge dink wat ek sou wil verander as die kans hom eendag voordoen…Name,wette ens.

Willem

Ek sê ook as jy nie welkom voel nie vat jou goed en gaan