V&A Waterfront ondersoek klagtes van rassisme

Skermskoot van Phumzile van Damme se Twitter-blad (persone se gesigte is verbloem)

Die V&A Waterfront, een van Kaapstad se bekendste toeristebestemmings, het Maandag gesê hy ondersoek bewerings van rassisme van die DA-LP Phumzile van Damme.

Van Damme het, nadat sy die Waterfront besoek het, op Twitter geskryf sy het rassisme beleef en een van die vermeende oortreders in die gesig geklap uit selfverdediging.

“Die gesin. Die vrou het my deurgaans verfilm en ek wou foto’s neem, maar toe het die klein k** in die swart T-hemp na my toe gekom en in my gesig gesê ‘voetsek jou swarte’ en my foon op die grond gegooi,” het sy geskryf. “Hy het my met geweld gedreig en ek het hom uit selfverdediging teen die kop geklap.”

Sy het ook ʼn video van haar gesprek met die veiligheidsbestuurder ná die voorval op Twitter gedeel, omdat hy nie op haar klag reageer het nie.

“En, @VandAWaterfront, die regte manier om hierdie saak te hanteer is om my besonderhede af te skryf en die gesin se besonderhede af te skryf en verskoning te vra vir dit wat ek beleef het. Julle ‘bestuurder’ het dit glad nie gedoen nie. Hy het my soos gemors hanteer en vir my gesê ek moet loop, so ek het gesê ‘dis reg so, dan sal ek jou onthul’,” het sy bygevoeg.

Donald Kau, woordvoerder van die V&A Waterfront, het gesê hulle het Van Damme gekontak ná hulle van die voorval bewus gemaak is. Hulle het ʼn ondersoek van stapel gestuur oor die geldigheid van haar klag. “Ons het met haar kontak gemaak om uit te vind wat gebeur het. Verskeie partye word hierby betrek, so ons gesels ook met die veiligheidsbestuurder om sy verslag te kry. Ons kyk ook na beeldmateriaal van die voorval.”

Kau het gesê enige voorval van rassisme sal uiters kommerwekkend wees. “Enige voorval van geweld sal daartoe lei dat die persoon van die perseel verwyder word en enige voorval van rassisme sal daartoe lei dat die betrokke persoon verbied word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Swart Piet

Sjoe maar die DA kan n keel opsit. En presies nou waaroor??????

Martin

Ek hoop dat die familie haar sal dagvaar en die seun n klagte van aanranding teen haar sal oopmaak. Sy is baie arrogant en verwaend.

Richard

DA jul mense is n verleentheid.

George in Bloem

Soos in soveel gevalle alweer die gerieflike ou rassekaart. Mens kan met reg wonder of dit wat sy se gese is,ooit gese is want as daai kaart gespeel word is die wit ou mos outomaties dadelik skuldig…..gaap……So voorspelbaar.

Rika

Sjoe die DA raak a verleendheid lyk of sy aandag soek verleedheid het mense by Eskom haar kwasuis ook a aangerand sy skreeu te veel sy moet dalk aan gekla word.