Vakansieganger sterf in fratsongeluk

Argieffoto: Netcare 911

Argieffoto: Netcare 911

Paramedici is Woensdag na ʼn huis in die Illovo-area naby Amanzimtoti ontbied ná berigte van ʼn strukturele ineenstorting.

Chris Botha, woordvoerder van Netcare 911, het gesê met paramedici se aankoms op die toneel het hulle die liggaam van ʼn man in ʼn buitetoilet gevind. “Volgens ooggetuies was daar ʼn watertenk op die dak van die toilet en het dit weens die afgelope tyd se reën te swaar geraak en die struktuur ineen laat stort.”

Volgens Botha het paramedici die man se liggaam verwyder nadat polisiebeamptes die toneel afgesper en ʼn voorlopige ondersoek gedoen het. Botha het gesê die man is glo van Benoni en dat hy met vakansie was ten tyde van die voorval.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae