Vakansieganger verdwyn by Jeffreysbaai

Hoofstrand by Jeffreysbaai (2006) Foto: CC BY 2.5 via Wikipedia

Hoofstrand by Jeffreysbaai (2006) Foto: CC BY 2.5 via Wikipedia

ʼn 20-jarige man van Gauteng word vermis nadat hy by die hoofstrand in Jeffreysbaai onder die water verdwyn het, het die Nasionale Seereddingsinstituut (NSRI), gesê.

“Die man het Dinsdagaand omstreeks 18:30 vermoedelik in ʼn systroom beland,” het Craig Lambinon, woordvoerder van die NSRI, gesê. “ʼn Branderplankryer het die man te hulp gesnel, maar hy het reeds onder die water verdwyn voor die brandplankryer hom kon bereik.”

Lambinon sê ondanks ʼn omvattende soektog is daar nog geen teken van die man nie. Die span van NSRI was om middernag nog steeds besig met die soektog al langs die kus.

Die polisie se duikeenheid sal Woensdag by die soektog aansluit.

“Traumaberaders staan die vermiste man se gesin by,” het hy bygevoeg. “Die polisie ondersoek die voorval.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.