Vakbond hof toe oor salarisbesnoeiings

Minister Tito Mboweni. Foto: Elmond Jiyane, GCIS

Die openbare werknemersvereniging (PSA), een van die grootste vakbonde binne die Suid-Afrikaanse openbare sektor, sleep die regering hof toe oor die beplande salarisbesnoeiing van staatsdienswerkers.

Die vakbond het Vrydag ʼn salarisgeskil by die arbeidshof ingedien oor die regering se besluit om terug te gaan op ʼn ooreenkoms oor salarisverhogings oor die volgende paar jaar.

Die minister van finansies, Tito Mboweni, het sy begroting daaraan gehaak dat die staatsdiens se salarisrekening ongeveer R160 miljard minder sal wees as waarvoor in die mediumtermyn-bestedingsraamwerk begroot is, het Maroela Media berig. Dít in ʼn poging om geld te spaar ten spyte daarvan dat die regering hom skriftelik vir drie jaar tot spesifieke salarisverhogings verbind het.

Hiervan het nog net twee jaar verstryk, maar die staat se finansiële posisie is nou so benard dat die staat daarvan afgewyk het deur aanvanklik 0% aan te bied.

Die PSA se standpunt is egter dat die regering verbind is tot die ooreenkoms met betrekking tot werkgewers se salarisse tot 31 Maart volgende jaar. “Die staat wil nou hierdie ooreenkoms herbeding, maar die PSA is gekant teen enige sodanige herbedinging. Die vakbond meen dat ons lede ʼn kontraktuele reg het op salarisverhogings soos ooreengekom. Dié reg kan slegs deur die arbeidshof afgedwing word,” het die vakbond Vrydag gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Anel

Nou as niemand meer werk het nie en daar word nie meer belasting betaal nie waar wil hulle hê moet die geld vandaan kom? Hulle kan bly wees hulle het nog werk! Laat die unies maar uit hulle eie sakke daarvoor betaal. Sê sommer vir Zuma ook dankie en vra haar om ook by te dra. Sy maak nou mos lekker geld uit die onwettige sagarette wat baie belasting sou in bring.

Outop

Die vakbonde het te veel mag. Om geld te spaar, maak werkmag kleiner, halfveer parlement en kabinet, sit die Zuptas almal in die tronk

Pieter

Cyril was self n groot kop in die vakbond hoekom sal hy iets se. Al waar oor die vakbonde worrie is hulle lede geld. Hulle het verder nie n saak nie

Willem

Margaret Thatsher nodig in die land. Klomp dink nie

Die Wolf

Wel of dit, of niks nie.