Val van fiets glo nie oorsaak van 3-jarige se dood

Die driejarige Nina de Villiers. Foto: Facebook

Die driejarige Nina de Villiers wat op 10 Februarie oorlede is nadat sy glo van haar fietsie geval het, se dood is glo deur ʼn vuurwapen veroorsaak en nie deur die val nie.

Eldie Marais, Nina se ouma, het vroeër gesê Nina en haar tweelingsussie, Nikola, het op dié dag in hul ouerhuis op ʼn plaas buite Durbanville op hul fietsies gery.

Sy het gesê Nina het blykbaar haar fietsie se handvatsels omgedraai en toe geval. Sy het vermoedelik op die rem se hefboom geval en dit het ʼn gaatjie in haar hart gedruk.

Dr. Willem Smit, die pediater wat lid was van die mediese span wat Nina behandel het nadat sy na die Mediclinic Durbanville gehaas is, het in ʼn onderhoud met Rapport beweer Nina is met ʼn windbuks geskiet.

Hy het gesê die koeëltjie het Nina net onder haar regtersleutelbeen getref voor dit afwaarts beweeg en haar hart getref het. Smit was Maandag besig met konsultasies en kon nie onmiddellik kommentaar lewer nie.

Marais en ander familielede wou nie kommentaar lewer op Smit se bewerings nie. Pieter Delport, die gesin se regverteenwoordiger, het ook aan Maroela Media gesê hulle gaan geen kommentaar in dié stadium lewer nie.

Marais het vroeër vertel die fietsies het sywieletjies aan en die dogtertjies se ouers, Natasha (32) en Nikie (40), laat hulle juis toe om in die huis te ry, aangesien hulle nie op die klippies buite kan ry nie.

Die tweeling se ouer sussie het glo gesien wat gebeur het en hulp ontbied. Natasha het onmiddellik met Nina hospitaal toe gejaag waar sy later oorlede is.

Lt.kol. Andrè Traut, Wes-Kaapse polisiewoordvoerder, wou nie op die bewerings reageer nie. “Die omstandighede rakende Nina se dood word steeds ondersoek,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

46 Kommentare

jongste oudste gewildste
DeonC

MM in terme van die Wet op beheer van Vuurwapens word ‘n windgeweer (“windbuks”) nie geag om ‘n vuurwapen te wees nie.

LÍEWE GENADE,TOG!

OMW!!! ? Dis tragies verby,ongeag watookal…ñ gelaaide windbuks,wat net liggies gestamp word of val,is dodelik ?
BAIEEE STERKTE aan die betrokke familie, mag die waarheid vrymaak en berusting bring vir julle almal ??

ANA

??? STERKTE aan familie.??

TRACY

Sterkte aan familie,

Human

Daar is `n groot verskil tussen `n vuurwapen en `n windbuks, wat gebeur het is uiters tragies, maar kry asseblief julle feite reg.