Valke ondersoek dood van bevelvoerder

Kol. Christelle Stemmet van die Valke. (Foto: Facebook)

ʼn Bevelvoerder van een van die Valke se ondersoekspanne is Sondagaand dood in haar huis in Kaapstad aangetref.

Kol. Christina Stemmet (47) was deel van die Valke se ondersoekspan vir ernstige korrupsie. Sy is Sondag omstreeks 20:00 dood aangetref in haar huis in die Table View-omgewing. Sy het twee skietwonde gehad en twee patroondoppies is op die toneel gevind.

“Die Valke betuig ons diepste medelye met die familie en vriende van kol. Stemmet met die ontydige afsterwe van ons kollega,” sê lt.kol. Philani Nkwalase, Valke-woordvoerder in die Wes-Kaap.

Hy sê plaaslike speurders ondersoek die motief vir haar dood. “ʼn Voorlopige ondersoek het egter gewys dat haar dood nie verband hou met ondersoeke waaraan sy gewerk het nie,” sê Nkwalase. Hy sê ʼn geregtelike doodsondersoek is aan die gang, om “die omstandighede rondom die dood van só ʼn ervare en toegewyde lid van die Valke te ondersoek”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

54 Kommentare

jongste oudste gewildste
Wonder net...

Wonder net hoe kan ñ voorlopige ondersoek bepaal of dit werksverwand was of nie….ek ruik n rot

sannie

Sy was bereid om vir die valke te werk en het nou die prys daarvoor betaal. Só hartseer.

Poot

Hoe kan ñ voorlopige ondersoek dui dat haar dood nie verband hou met haar werk nie?

legens

Dit is lankal tyd dat alle vuurwapens uit die samelewing verwyder word en slegs gelaat word in die hande van wetstoepassers wat hoogs opgelei is en psigometriese toetse geslaag het .

Dirk

Die wêreld van misdaad en geld bly maar ‘n gevaarlike plek.