Valke ondersoek Tuks-student se bazoeka-uitlating

Luvuyo Menziwa. Foto: Via Facebook

Luvuyo Menziwa. Foto: Via Facebook

Strafregtelike aanklagte is by die polisie aanhangig gemaak teen Luvuyo Menziwa, die geskorste lid van die Universiteit van Pretoria (Tuks) se studenteraad wat glo wit mense met ʼn AK-47 of ʼn bazoeka wil doodskiet.

AfriForum Jeug se Tuks-tak het Dinsdag Menziwa by die Brooklyn-polisie gaan verkla van intimidasie, aanhitsing van geweld en crimen injuria.

Dit volg nadat Menziwa na bewering op Facebook ʼn lys van redes geplaas het hoekom hy wit mense met ʼn AK-47 of ʼn bazoeka wil doodmaak. Hy het in die inskrywing redes gelys waarom hy wit mense haat. Die redes is onder meer “wit voorreg, wit arrogansie, wit monopolie van kapitaal en wit meerderwaardigheid”.

“Ter afsluiting, f** wit mense. Gee my net ʼn AK-47 of ʼn bazoeka sodat ek die regte ding kan doen en hierdie demoon-besete mense kan doodmaak,” lui die inskrywing.

Menziwa is intussen ook Dinsdag, ná druk van die jeugorganisasie op die universiteitbestuur, van die studenteraad geskors hangend die uitkoms van ʼn interne ondersoek deur die studenteraad.

Kapt. Colette Weilbach, woordvoerder van die Brooklyn-polisiestasie, het Woensdag aan Maroela Media bevestig dat ʼn saak teen Menziwa aanhangig gemaak is. “Die saak is deur die Valke oorgeneem vir verdere ondersoek. Die dossier sal ook na die hof gestuur word vir verdere beslissing,” het Weilbach gesê.

“AfriForum Jeug verwelkom die studenteraad se vinnige optrede en sien uit na konsekwente optrede teen rassisme in die toekoms,” het Henrico Barnard, woordvoeder van AfriForum Jeug se Tuks-tak, gesê.

Volgens Barnard het die UP-bestuur onderneem om AfriForum Jeug binne 24 uur verder in te lig oor Menziwa se dissiplinêre proses en moontlike skorsing deur die universiteit.

Anna-Retha Bouwer, woordvoerder van die universiteit, het Menziwa se skorsing van die studenteraad aan Maroela Media bevestig. “Mnr. Menziwa, finansiële beampte van studies, is in terme van die studenteraad se interne gedragskode geskors. ʼn Dringende ondersoek is ook deur die universiteit van stapel gestuur in terme van sy eie gedragskode,” het sy gesê.

Bouwer het gesê haatspraak en aanhitsing sal nie by die universiteit geduld word nie.

Volgens Jaco Grobbelaar, kampuskoördineerder van AfriForum Jeug se Tuks-tak, is dié voorval nie die eerste van sy soort by Tuks nie. “Hoewel AfriForum Jeug verheug is om te sien dat die universiteit spoedig opgetree het, sal ons aanhou om druk te plaas op die bestuur om te verseker dat Menziwa aanspreeklik gehou word vir sy optrede,” het hy gesê.

'n Skermskoot van die inskrywing soos die AfriForum Jeug verskaf.

‘n Skermskoot van die inskrywing soos die AfriForum Jeug verskaf.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

67 Kommentare

jongste oudste gewildste
nico

Hou ons asb. op hoogte van die saak. Wil graag weet wat tot op einde gaan gebeur.

Riana

Ek is geskok. Dan se hul ons is rasisties.

Chris

Ek hoop hulle verklaar hom ook onbevoeg om n wetige vuurwapen te besit, tot die wederkoms

Jakes

Sien op elke foto die meneer dra sy vlooimark krale om die nek…?
Oefenlopie tot kanseliers of burgermeestersketting…?

Takkie Takuuza

Ag hy soek aandag en nou het hy gekry. Gaaap….