Valke slaan toe op dagga-laboratorium

Die beweerde dagga-laboratorium in Brits. (Foto: ANA)

Die eienaar van ʼn beweerde dagga-laboratorium in Brits in Noordwes verskyn vandag (Maandag) in die plaaslike landdroshof nadat die Valke oor die naweek op dié laboratorium toegeslaan het.

Kapt. Tlangelani Rikhotso, woordvoerder van die Valke, sê in ʼn verklaring Russell De Beer (48) is Saterdag tydens ’n klopjag op die laboratorium in hegtenis geneem. Die verdagte word aangekla van die oortreding van die Wet op Geneeskunde en Verwante Stowwe, asook die handel van dagga. Daar is ook op sowat R3 miljoen se dagga beslag gelê.

Volgens Rikhotso is die verdagte ʼn groot verskaffer van dagga en cannabis-verwante produkte in die land.

Sy sê dat die verdagte meer as 500 kg se dagga, hidroponiese tonnels vir die groei van dagga, verskeie apparate vir die verwerking en onttrekking van dagga-olie en talle ander daggaprodukte in die laboratorium aangehou het.

“Die ondersoek het ten doel om onwettige daggabedrywe reg oor die land te bekamp. Baie van hierdie oortreders gee voor dat hulle wettiglik handel dryf in dagga ingevolge die Wet op Tradisionele Gesondheidspraktisyns,” sê Rikhotso.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Spark Plug

Net 500kg…presies 500kg en waar is die res

Willie

Hoe weet jy daar is meer Spark Plug?

Piet

Daai ou het oop en bloot die boompies geplant. Die polisie ry al die afgelope jaar daar verby en doen niks nie. Hy het seker nie meer aan almal hulle “cut” betaal nie.

Devil

Genade, geen een persoon het soveel dagga nodig nie…duidelik ‘n handelaar!

geen benul???

Wonder sommer net hoe die saps hul som maak om waarde te bepaal,het iemand dalk die formule???…want as ek reg is is hierdie hidro nie goedkoop nie….R6 per gram…..??