Motoriste is Woensdagoggend aangeraai om Van Reenenspas in KwaZulu-Natal te vermy ná ʼn groot ongeluk.
Die N3-tolpad-konsessie (N3TC) het omstreeks 09:00 gesê daar was glo twee vragmotors in die ongeluk betrokke. Een van die vragmotors was ʼn tenkwa wat ná die ongeluk aan die brand geslaan het.
Die noordelike bane by die Tugela Plaza en Tugela East Ramp Plaza is heeltemal vir motoriste gesluit.
Brandweerdienste was Woensdag net na 09:00 op die toneel om die brandende tenkwa te blus.
Robert McKenzie, woordvoerder van die provinsiale nooddienste, het aan Maroela Media bevestig hul noodspanne is tans op die toneel en dat daar geen verdere inligting beskikbaar is nie.
Het al verskeie kere opgelet hoe vinnig vragmotors ry. Vragmotorbestuurders ignoreer doodeenvoudig die maksimum snelheidsperk wat vir hulle gestel is. Ek het ook my bedenkinge oor die bestuursvermoë van baie van hierdie mense.
Al ons snelwee is oortrek met vragmotors. Daar is by verre meer vragmotors op ons paaie as motors. En ja, min vragmotorbestuurders hou by die spoedgrens. Daar is jare gelede al deur navorsing getoon dat vragmotors 80 keer meer skade aan n pad aanrig as gewone motors. Die N3 tussen Gauteng en KZN is n uiters gevaarlike pad om te ry.