Varsitybeker-wedstryde afgestel ná dreigemente

Tydens die wedstryd op Shimla-park op 22 Februarie 2016. Foto: Twitter via @UFS_SRC

Tydens die wedstryd op Shimla-park op 22 Februarie 2016. Foto: Twitter via @UFS_SRC

Alle Varsitybeker-rugbywedstryde vir die volgende week is afgestel nadat studente-betogingsgroepe gedreig het om die wedstryde te ontwrig.

Maroela Media het by ʼn betroubare bron verneem dat alle Varsitybeker-, Varsity Shield- en Varsity Young Guns-wedstryde tot 4 Maart afgestel is.

Dit volg nadat betogers Maandag op die veld by Shimla-park op die kampus van die Universiteit van die Vrystaat (UV) gehardloop het en die wedstryd tussen die Shimlas en Madibaz van die Nelson Mandela Metropolitaanse Universiteit (NMMU) ontwrig het. ʼn Geveg het uitgebreek en talle omstanders het ook op die veld gehardloop en na bewering aan die geveg deelgeneem.

ReformPUK het Dinsdag op sy Facebook-blad gewaarsku indien die wedstryd wat vir komende Maandag tussen die UV en die Noordwes-Universiteit (NWU) op die Puk-kampus beplan is, voortgaan, sal hulle in ʼn reusegroep opdaag om die wedstryd te ontwrig.

“Staak die wedstryd of ons sal in massagroepe opdaag om dit te ontwrig,” het hulle geskryf. “Die gemak van wittes sal nie toegelaat word om voort te bestaan terwyl die behoeftes van swart studente en werkers opsy geskuif word nie. ReformPUK eis dat lede van die kampusbestuur hulle distansieer van die [Varsitybeker]-reeks en die wedstryd teen die UV kanselleer – dus, dieselfde span wat Maandag onbeskaamd voortgegaan het met hul wedstryd ná die aanval [teen die betogers].”

Die groep het ook gesê hulle het al verskeie kere hul gewilligheid uitgespreek om oor die kwessies te debatteer, maar dit is nie moontlik wanneer daar “ʼn algemene tekort aan kennis oor die ware stand van sake in Suid-Afrika is nie”.

Louis Jacobs, woordvoerder van die NWU, het vroeër Donderdagoggend aan Maroela Media gesê hulle is bewus van ReformPUK se dreigemente en dit word in ʼn baie ernstige lig beskou. Ten spyte van verskeie pogings kon Maroela Media nie ʼn woordvoerder van Varsitybeker onmiddellik in die hande kry vir kommentaar nie.

Die Suid-Afrikaanse Menseregtekommissie het intussen bevestig dat hy ’n ondersoek begin het na die voorval by Shimla-park.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
tamboti

Dis reg gee boedel oor net soos Frikkie DK, gee, gaan le, hardloop gou gou weg.

jan

Wat ons nou nodig het is openbare politieke debatte op TV, waar almal, die massa oningeligtes, ook die waarheid kan hoor vir hulleself, met ingeligte vraestellers soos Ruda Landman en Freek Robinson vroeer jare op TV gehad het. Tot ET het deelgeneem daai tyd, maw almal het vryheid van spraak gehad, en die publiek kon self hul afleidings daaruit maak. Ons kan nie verder toelaat dat radikale elemente of politieke bewegings geweld gebruik om hul stempel af te druk nie, nog minder kan ons lamsakkige leiers bekostig wat te bang is om teen hierdie rampokkers op te staan en ‘n… Lees meer »

ANDRE KOTZE

Ok maar goed ons het n sterk span bymekaar gemaak om rugby te gaan “KYK”

maritz

So sal hulle als tot n stilstand bring en nienand lig n vinger om hulle te keer of op hul plek te sit . Hierdie kom van die ANC hulle werk deur die EFF . Hoekom doen hulle niks ?ons moet ons oe oopmaak .

maritz

So sal hulle als tot n stilstand bring en nienand lig n vinger om hulle te keer of op hul plek te sit . Hierdie kom van die ANC hulle werk deur die EFF . Hoekom doen hulle niks ?ons moet ons oe oopmaak .