Vavi waarsku nóg ʼn staking aan die kom

Optoggangers wat deelgeneem het aan die landswye Saftu-staking en optogte in verskeie stede op 25 April 2018. Foto: Twitter via @SAFTU_media

Zwelinzima Vavi, die sekretaris-generaal van die SA Federation of Trade Unions (Saftu), het Woensdag die Suid-Afrikaanse regering gewaarsku om gereed te maak vir ʼn twee dag lange landwye algemene staking indien daar nie gehoor gegee word aan werkers se eis dat die voorgestelde minimumloon van R20 per uur geskrap moet word nie.

“Ons sal nie toelaat dat iemand inbraak maak op ons reg om te staak nie. As hulle nie vandag na ons luister nie, gaan ons terugkom vir nog twee dae. Ons gaan busse, taxi’s en treine vat en hierheen kom. Ons sal nie terugval alvorens ons regte gewaarborg is nie, comrades. Ons kort ʼn praktiese oplossing, want hulle neem op praktiese wyse ons regte van ons af weg,” het Vavi aan werkers gesê.

Optoggangers wat deelgeneem het aan die landswye Saftu-staking en optogte in verskeie stede op 25 April 2018. Foto: Twitter via @SAFTU_media

ʼn Rooi golf het as’t ware Woensdag deur die Johannesburgse sakesentrum beweeg soos optoggangers na regeringskantore gestap het om memorandums van hul eise te oorhandig. Boaan dié eiselys was ʼn hoër minimumloon. Saftu-filiale het die regering se voorstel vir ʼn minimumloon van R20 per uur as ʼn belediging bestempel en eis as minimum ʼn salaris van R12 500 vir alle werkers in die land.

Optoggangers, wat ondersteuners van die EFF ingesluit het, het deur al die groot stede van die land optogte gehou om memorandums aan verskeie regeringsdepartemente en provinsiale premierskantore te oorhandig.

Optoggangers wat deelgeneem het aan die landswye Saftu-staking en optogte in verskeie stede op 25 April 2018. Foto: Twitter via @SAFTU_media

Stakers het onder meer in busse en taxi’s in Newtown in Johannesburg aangekom en rewolusieliedere gesing terwyl hulle vir hul leiers gewag het.

Pres. Cyril Ramaphosa het ook deurgeloop onder kritiek met betogers wat hom daarvan beskuldig het dat hy sy rug op die werkers van Suid-Afrika draai. Sommige betogers het nagemaakte buffels omhoog gehou in ʼn kwalik verskuilde aanval op Ramaphosa en ʼn stekie na die miljoene rande wat hy al in die verlede vir buffels en ander spogwild betaal het.

Maroela Media het vroeër berig die vakbondfederasie Cosatu het hom van die staking gedistansieer en gesê hy ondersteun die voorgestelde minimumloon. Intussen het Fedusa vir Saftu daarvan beskuldig dat Saftu bloot aandag soek deur die staking.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
Werner

Van hulle liedere was kill the boer kill the famer wonderlike demokrasie en liefde en vrede wat ons het

Hansie

“Ons gaan busse taxis en treine vat en hierheen kom” Is alles nie alreeds afgebrand nie ?

Rynhardt

2018 is beslis die era van stakings, ???????? buitensporige eise,algehele chaos en wanorde!!Anc nou in n dodelike wurggreep wat hyself geskep het!

Lollie

Cosatu en Fedusa kan dan mos n optog teen Saftu hou! Of is hierdie 2 nog te klein teen Saftu?

GEENprobleem

nou ja dan sal die ons maar almal self moet begin inspring en werk en koebaai sara…..jou 3 dae sal nou maar niks word….en dan sal die wit seun meer werk kry want ons is geleer om onder te begin en te bou….en gee ons sommer passe ook dat ons wittes in apartheid geplaas word….did mos ons straf….dankie