Veiligheidswag doodgeskiet tydens vulstasierooftog

Argieffoto

Die polisie het ʼn reusesoektog van stapel gestuur na ʼn groep onbekende verdagtes wat vroeg Maandagoggend betrokke was in ʼn gewapende roof by ʼn vulstasie in Marlboro Gardens in Sandton.

Kapt. Mavela Masondo, provinsiale woordvoerder van die polisie, het gesê die voorval het omstreeks 00:30 by ʼn Sasol-vulstasie plaasgevind.

“Gewapende rowers het die werknemers van die vulstasie met wapens gedreig en hulle gedwing om die deur oop te maak en almal insluitend die joggies na binne gedwing. Hulle het die kluis oopgeblaas en met ʼn onbevestigde hoeveelheid kontant gevlug. Op pad uit het hulle ʼn Audi en ʼn Toyota Avanza gekaap. Hulle het op ʼn veiligheidswag (36) wat op ʼn paniekalarm reageer het losgebrand, en hy is op die toneel dood,” het Masondo gesê.

Tebogo Magoro, woordvoerder van Netcare 911, het gesê die man het verskeie skietwonde gehad en is op die toneel dood verklaar.

Niemand is nog in verband met die voorval in hegtenis geneem nie.

Die polisie ondersoek ʼn saak van moord en sakeroof.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Se maar net

Cowboys and crooks!

Selfbeskikking

As ons wil oorleef in hierdie sinkende land sal ons gou met selfbeskikkingsonderhandelinge met ons regering en die buiteland moet begin.

Oom Kalahari

Wat van voertuig Kaping en diefstal ook by die klag staat?

Gerrit

Die sekuriteit is besig om die useless polisie wat eintlik hulle naam moet verander na oamv ( ondersoek alles en vind niks) se taak oor te neem en dit is regtig jammer dat hy sy lewe moes verloor ek wonder of n minister sy familie gaan besoek om jammer te se oor die staat hom gefaal het??

Daan

Dit is hartseer dat die land op so n afdraande is dat dit moeilik sal wees om dit reg te stel.
??