ʼn Veiligheidswag is doodgeskiet en nog een beseer tydens ʼn rooftog in Nyanga in die Wes-Kaap.
“Die twee veiligheidswagte is geskiet toe hulle ʼn bakkeryafleweringswa in Noxolostraat vergesel het,” het kol. Tembinkosi Kinana, woordvoerder van die polisie, Dinsdag in ʼn verklaring gesê. “Die slagoffers wat vermoedelik binne ʼn voertuig toe twee gewapende rowers op hulle losgebrand het.”
Een veiligheidswag, ʼn 45-jarige man, is noodlottig gewond en ʼn 42-jarige man is beseer en na ʼn hospitaal gehaas.
Al twee die wagte se vuurwapens is tydens die rooftog by hul afgeneem. Kinana sê die bestuurder van die bakkeryafleweringswa kon wegry toe hy die skote hoor.
Die polisie ondersoek sake van gewapende roof, poging tot moord en moord.