Veiligheidswag in transitorooftog geskiet

Foto: Watchdog Tzaneen

Foto: Watchdog Tzaneen

ʼn Veiligheidswag is in ʼn ernstige toestand nadat hy Woensdagoggend tydens ʼn transitorooftog naby Tzaneen geskiet is.

Marius Jacobs, woordvoerder van Watchdog Tzaneen, het aan Maroela Media gesê die rooftog het omstreeks 04:00 op die pad tussen Tzaneen en Giyani plaasgevind. Die rowers het vanuit ʼn BMW X5 en Audi op die begeleidingsvoertuig geskiet. “Die bestuurder het beheer oor die voertuig verloor en die motor het gerol en op sy dak in bosse langs die pad beland,” het Jacobs gesê.

Die rowers het daarna op die transitovoertuig losgebrand en twee van die bande stukkend geskiet om die voertuig só tot stilstand te dwing, het hy gesê. Die verdagtes het uitgespring en vuurwapens op die insittendes gerig en hulle gedwing het om die transitovoertuig oop te sluit.

“Die verdagtes het met ʼn groot bedrag kontant in die rigting van Phalaborwa gevlug,” het Jacobs gesê. “R5-patroondoppies is op die toneel gevind.”

Een van die insittendes in die begeleidingsvoertuig moes na ʼn hospitaal gehaas word nadat hy in sy pelvis geskiet is. Die ander insittende het net geringe beserings in die voorval opgedoen.

Maroela Media wag op kommentaar van die polisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Hannelize

Ek hoop die man word vinnig gesond.

Ek wonder wat aan gaan in Tzaneen? Ek sien 1 van die Laerskole in Tzaneen is ook beroof vanoggend?

ZAR

ek verstaan nie die berig so lekker nie. Die berig se die voertuig het gerol en op sy dak beland,en darrna word gese die bande is geskiet om die voertuig tot stilstand te bring?????

watter voertuig het gerol?

ZAR

toemaar ek het die begeleidingsvoertuig gemis :)

ZAR

Miskien moet hulle eerste gaan soek by 7SAI weermag kamp in Phalaborwa,aangesien hulle mer R-5 gewere op die voertuie geskiet het.
Miskien is dit daar uitgeryk

Takkie Takuuza

Ek was lank gelede in die Weermag, maar sovêr ek kan onthou is die R5 deur die Lugmag en Polisie gebruik en die R4 deur die Weermag. Maar deesdae kan dit seker anders wees.