Veiligheidswag tydens rooftog doodgeskiet

Argieffoto: Kent Williamson

ʼn Veiligheidswag is Saterdagoggend in Delft in Kaapstad tydens ʼn rooftog doodgeskiet.

Lt.kol. Andre Traut, woordvoerder van die polisie, het gesê ʼn groep van ses gewapende rowers het omstreeks 08:00 op ʼn winkel toegeslaan.

“Een veiligheidswag is doodgeskiet en ʼn ander wag is in die been gewond. Hy is in die hospitaal opgeneem vir behandeling.”

Volgens Traut het die verdagtes met ʼn onbekende bedrag kontant gevlug en is niemand nog in hegtenis geneem nie. “Die verdagtes se wegkommotor, ʼn ligte afleweringsvoertuig, is later in Philippi gevind.”

Traut het gesê geen verdere besonderhede kan in dié stadium bekend gemaak word nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.