Twee veiligheidswagte het Saterdagoggend matige tot ernstige beserings opgedoen tydens ʼn transitorooftog in Kempton Park.
“Paramedici het omstreeks 09:00 op die toneel in Planeweg in Spartan aangekom. Die transitovoertuig het in ligte laaie gestaan. Twee veiligheidswagte het langs die pad gelê,” het Ross Campbell, woordvoerder van ER24, in ʼn verklaring gesê. “Die voertuig is vermoedelik met springstof oopgeblaas.”
Die brandweer het die brand geblus terwyl paramedici die twee veiligheidswagte behandel het.
“Een van die veiligheidswagte, ʼn 49-jarige man, het ʼn skietwond in sy been opgedoen. Sy kollega, ʼn 43-jarige man, is in die hand getref. Hulle is albei op die toneel behandel en na ʼn hospitaal geneem vir verdere behandeling.”
Volgens Emer-G-Med is die voertuig voorgekeer deur ʼn groep swaar gewapende mans. Die veiligheidswagte is geskiet voor die rowers die voertuig oopgeblaas het.
Die SAPD, metropolisie en verskeie veiligheidsmaatskappye was ook op die toneel vir verdere ondersoek.
Welcome to the “Criminal infested” New Sout Êffrica.
Ek stem volkome saam
Die anc het geld nodig.
Lyk of hulle effens te veel springstof gebruik het. Wonder of hulle darem ‘n paar rand kon kry ??
Affirmative BEE XMAS SHOPPING. HORRIBLE CRUEL ( CAN’T BE CALLED PEOPLE) SCUM OF THE EARTH
Ek kan nie n wapen besit vir selfverdediging nie naar die skurke kan plofstof en wapen besit. Wat het van die eens mooi land van ons geword.