Weghol-veldbrande wat deur stormsterk winde aangehelp is, het die naweek minstens sewe lewens geëis en ʼn pad van verwoesting gesaai.
Lennox Mabaso, woordvoerder van die provinsiale departement van koöperatiewe regering en tradisionele sake, het in ʼn verklaring gesê die wegholbrande het lewensverlies en beskadiging van eiendom tot gevolg gehad. Hy kon egter nie die hoeveelheid sterftes bevestig nie.
“Dit kan nog nie bevestig word nie. Stappe word geneem om die persone se naasbestaandes in kennis te stel. Die departement gaan die gebied besoek en ʼn voorlopige ondersoek doen,” het Mabaso gesê.
Die SAUK het berig dat die dodetal tans op sewe staan. – SAPA