Ventersdorp-polisiestasie beroof

Argieffoto

Argieffoto

ʼn Groep rowers het die Ventersdorp-polisiestasie beroof, het die polisie in Noordwes Dinsdag bevestig.

“Die storie is waar. Daar was ʼn inbraak by een van die kantore aan die agterkant van die stasie,” het kol. Henry Vermeulen, woordvoerder van die polisie, gesê. “Daar is items gesteel en ons ondersoek die saak.”

Vermeulen het gesê 80 pakkies sigarette is tydens Sondagaand se voorval gesteel. Niemand is nog in verband met die voorval in hegtenis geneem nie, maar die polisie het gesê hulle vermoed drie mans was verantwoordelik vir die inbraak. “Ons glo dat ons vandag [Dinsdag] of môre iemand in hegtenis sal neem. Ons weet wie dit is,” het hy bygevoeg.

Die Sowetan het berig dat daar ook ʼn skootrekenaar tydens die voorval gesteel is. Volgens die berig behoort die skootrekenaar aan ʼn munisipale werker en is dit ʼn bewysstuk in ʼn ander saak. Die koerant het verder berig dat die inbrekers deur die dak toegang tot die polisiestasie gekry het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
boer

wonder of daar dalk wapens ook gesteel is?

Gerhard Bezuidenhout

Wonder of die polisie hulle nie kon hoor toe hulle deur die dak gekom het nie . Miskien was hulle ooreet aan Kentucky en het rustig gele en slaap. Skande ! Weereens n bewys hoe min dink die boewe van die polisie.

ivorine

Ai Ai dit kan ook net in RSA gebeur ??? Moet mens lag of uit vrees weg harloop na ‘n ander land?

Stefan Du Preez

“Beroof” Dit was ‘n inbraak Maroela Media, by roof is geweld betrokke teenoor ‘n person.

j van vuuren

Inside job…..gedoen om te lyk soos n outside job…lol.