Verbod op strande gaan Oos-Kaapse toerisme finaal ‘verwoes’

‘n Strand in die Oos-Kaap. (Foto: Oos-Kaap-toerisme)

Die regering se besluit om alle strande in die Oos-Kaap te sluit in ʼn poging om die tweede vlaag Covid-19-infeksies in bedwang te bring, gaan die provinsie se kwesbare toerismebedryf, wat reeds op die rand van ineenstorting is, finaal verwoes.

Jane Cowley, die DA se woordvoerder oor ekonomiese ontwikkeling, omgewingsake en toerisme in die Oos-Kaap, sê sakelui wat gehoop het dat die besige Desembervakansie ʼn broodnodige kontantinspuiting ná die rampspoedige aanvanklike afsondering sou bring, is platgeslaan.

“Die kansellasies het reeds begin instroom met besoekers wat hul sake elders neem,” het Cowley gesê.

Cowley waarsku dat die nuwe “drakoniese maatreëls” die doodsklok vir talle ondernemings gaan lui en duisende werksgeleenthede in die toerismebedryf langs die Oos-Kaapse kuslyn in die slag gaan bly.

Sy sê ʼn omvattende strandbestuursplan sou ʼn beter opsie gewees het.

“Gesonde verstand sê tog sekerlik vir jou dat jy ʼn groter kans het om Covid-19 in ʼn volgepakte kleinhandelaar op te doen as op ʼn oop strand.”

Cowley wil nou by die Oos-Kaapse premier, Oscar Mabuyane, weet of daar op provinsiale vlak met die toerismebedryf vergader is, en op watter wetenskaplike, epidemiologiese en ekonomiese data die besluit berus.

“Die waarheid is dat die sluiting van strande teenstrydig is met die raad en aanbevelings van mediese kenners en dit gaan onmoontlik wees om af te dwing. Ons soek nie ʼn herhaling van tonele waar jong kinders getraumatiseer en van strande af gesleep word nie.

“Waaroor selfs meer vraagtekens hang, is waarom die maatreëls goed genoeg is vir sommige en nie vir ander nie. Hoekom is dit gepas om KwaZulu-Natalse strande toe te laat om oop te bly, terwyl hulle ook ʼn styging in getalle ondervind?”

Cowley sê die benadering vir KwaZulu-Natal maak sin en sou net so doeltreffend gewees het – en moontlik selfs meer só – in die Oos-Kaap waar daar nie soveel hordes mense na die strande stroom nie.

Sy sê daar is groot begrip dat die Covid-19-pandemie ʼn yslike tol op menselewens geëis het en dat strenger maatreëls nodig was, maar dat die sluiting van die strande nie die oplossing is nie.

Deel van: SA-nuus

Koronanuusbrief

Wil jy op hoogte bly van alle nuus oor Covid-19 op Maroela Media? Teken in op die nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Wielspore

Zuma was baie ongelukkig dat KZN se strande op tradisionele besige dae in die feestyd gesluit gaan wees maar is nou tevrede nadat een van sy raadgewers hom laat weet het al die Vrystaat se strande is gesluit.

Frannie

Ek verstaan nie die logika nie: Die Tuinroete se strande is toe. Die wind waai ALTYD by die see, die son brand die “virus” dood. Daar is in elk geval bitter min oppervlaktes waaraan mens kan vat waar die virus dalk lêplek kon kry. Vriende/gesinne sit meer as 1,5m van ander groepies gesinne/vriende af. Die sout in die see maak kieme dood, virusse kan nie daarin leef nie.
Kwazulu-Natal se gewoonlik oorvol strande is oop behalwe op sekere dae.
MAAR jy kan maar Mall toe gaan. Daar waar die kieme/virusse lekker kan floreer en oorgedra word.
Hoe maak dit sin?

Jaco

Al wat ek kan dink, is dat die meeste toeriste besighede in die Oos-Kaap in wit besit is. Dié totale sluit van strande daar is dus ‘n poging om daardie wit besighede te kelder. Maar daars 2 goed wat ek nie verstaan nie: 1. Wat van swart werkers wat hulle werk gaan verloor by dié wit toeriste besighede? 2. Wat van swart toeriste besighede in die Oos-Kaap wat gaan seerkry? Ramaphosa het self gesê inperking wys hoe ongelyk SA is en dat wit mense se rol in die ekonomie moet stop. Voeg daarby sy dreigemente dat radikale ekonomiese transformasie so… Lees meer »

Anel

Hierdie regering voel niks vir die land se mense nie. Boere word links en regs vermoor wat voedselsekerheid bedreig. Maar die regering sê niks. Meer mense gaan deesdae op die paaie dood as aan die virus. Stilte. Gewone moorde us meer as die virus per dag. So ook ander siektes. Nou gaan mense hul werke verloor en hongersnood tree in. Stilte. Si wat is dievregering se plan? Om die hordes van die staat afhanklik te maak sodat hulle beheer kan word. O, ja, en om vir die wêreld daar buite te wys hoe ons die virus beheer. Goeie genade tig.… Lees meer »

Sarel

Is dlegs de Regering verantwoordrlik of is elke lid van die Publiek en sekere organisasies ook betrokke