Verbruikers gaan boet vir Nersa-foute oor kragtariewe

(Foto: Eskom/Twitter)

Die DA het die ouditeur-generaal gevra om jaarliks ʼn oudit van die Nasionale Energiereguleerder (Nersa) se bepaling van kragpryse te doen nadat dit aan die gekom het dat die reguleerder verskeie “foute” met Eskom-tariewe gemaak het.

“Nersa het luidens berigte sy teenkanting in twee hofsake teen Eskom laat vaar en toegegee dat hy foute gemaak het in die berekening van tariewe wat Eskom miljarde rande in inkomste gekos het,” het Kevin Mileham, die DA se woordvoerder oor energie, gesê.

In ʼn hofsaak is daar reeds beslis dat Nersa foute in sy berekening gemaak het en die vierde saak waarby die reguleerder en die kragvoorsiener betrokke is, gaan waarskynlik dieselfde roete volg.

Mileham waarsku dat Nersa se foute Suid-Afrikaners duur te staan gaan kom. Hy sê Nersa se prosesse het heeltemal te burokraties geword en dat dit foute soos dié veroorsaak. Verbruikers gaan oudergewoonte vir die foute moet opdok.

“Moet ons glo dat dit Nersa se enigste fout was, of gaan dié toedrag van sake die deur open vir ʼn hersiening van ál Nersa se prysbepalings wat tot verdere verhogings gaan lei?” het Mileham gesê.

Talle Suid-Afrikaners sukkel reeds om huidige kragtariewe te bekostig. Weens die Covid-19-pandemie en die meegaande landwye staat van algehele afsondering is die ekonomie op ʼn afdraande pad, werkloosheidsyfers het tot ʼn rekord van sowat 30% gestyg en talle sakeondernemings sluit hul deure permanent. Benewens dié probleme praat Eskom nou van ʼn prysstyging van 15% om die verliese wat weens Nersa se foute gely is, te probeer herwin.

Mileham het gesê Suid-Afrika net nou meer as ooit ʼn onafhanklike elektrisiteitsbestuursoperateur nodig soos wat die DA in sy private wetsontwerp voorstel. Dié voorstel dien tans voor die parlement.

Mileham sê dit gaan die speelveld gelyk maak deur ʼn onafhanklike netwerkoperateur te skep wat krag teen markverwante pryse by enige opwekkingsbron – ook Eskom – sou kon aankoop.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
PH

Wat is die slaagsyfer vir matriek nouweer?

Africangrey

Dis n baie slim manier om verbruikers miljoene rande te laat betaal vir iets wat nooit gebeur het nie, en boonop dienste wat nie eers gelewer is nie, USELESS!!!

Mallie

Jammer om van Nersa se dilemma te hoor. Hulle fout – hulle kostes.

Fedup

Nope. We will not pay for nersa’s mistake.
They made the mistake, they can pay.
We as consumers can barely keep our heads above water.
Not our problem.

Miskruier

Daar moet gekyk word na boere wat direk van Eskom krag ontvang. Al gebruik ek nie n enkele eenheid krag nie, betaal ek vir die kragpaal, transformer een of ander environmental levy ens. Ek en my ma is pensionarisse, ons kan dit nie meer bekostig. Eskom se 22 kragpale wat 2km oor ons grond loop, het in die laaste 40 jaar nog nooit aan ons huur betaal nie. Ek verlang kwytskelding vir die een wat ek moet huur.