Argieffoto
Kapt. Nkosikho Mzuku, woordvoerder van die polisie, het gesê die huisroof het in Maart op ʼn plaas in die Komga-gebied, naby Stutterheim, plaasgevind. “Die verdagtes het glo die gesin in hul huis oorval en van hul bakkie, selfone en ʼn onbekende bedrag kontant beroof,” het Mzuku gesê.
Hy het gesê die polisie het die bakkie ʼn dag na die rooftog in die gebied opgespoor. “’n 20-jarige verdagte is vandag in ʼn informele nedersetting in die gebied in hegtenis geneem. Die selfone wat tydens die rooftog gesteel is, is in sy besit gevind,” het Mzuku gesê. “Die polisie is op soek na nog twee verdagtes wat by die huisroof betrokke was.”
Hy het gesê die verdagte sal Maandag in die Komga-landdroshof verskyn op aanklag van huisroof.
Puik diens gelewer Komga- en Stutterheim SAPD.
Hou so aan.
Mooi so manne en vroue van daai Sapd afdeling.
20 jaar oud en klaar ‘n skelm…….hartseer, baie hartseer! Statistieke wêreldwyd bewys dit oor en oor en oor: afwesige vaderfigure speel ‘n beduidende rol in misdadigers se lewe (wat meestal jong mans is). Nou wonder ek maar net of dit in hierdie geval ook so is.