Die verdagtes het met meer as R400 000 gevlug. (Argieffoto)
Die Valke het ’n 34-jarige man in hegtenis geneem in verband die dood van ʼn veiligheidswag tydens ’n transitorooftog op 1 April op Burgersfort in Limpopo.
Volgens kapt. Matimba Maluleke, polisiewoordvoerder, het vier gewapende mans die wag oorval en doodgeskiet kort nadat hy geld by ’n winkel op dié dorp opgelaai het.
“Die verdagtes het met meer as R400 000 gevlug.”
’n Saak van moord en roof is aanhangig gemaak en word deur die Valke ondersoek.
“Die verdagte is Donderdagoggend by sy wegkruipplek op Burgersfort in hegtenis geneem en sal na verwagting Vrydag in die landdroshof verskyn,” het Maluleke gesê.
Die soektog na die ander verdagtes duur voort.
Hy moet hulle gaan uit wys waar hulle is……