Verdagte vas oor Stellenbosch-bylmoorde

Lees ook: Stellenbosch-bylmoorde: Polisie bevestig, familie reageer

Die Van Breda-gesin: Marli (hier 16) en haar ma Teresa staan voor. Henri (hier 20), Rudi (22) en hul pa, Martin staan agter. Foto: Facebook

Die Van Breda-gesin: Marli (hier 16) en haar ma Teresa staan voor. Henri (hier 20), Rudi (22) en hul pa, Martin staan agter. Foto: Facebook

ʼn 21-jarige man is Maandag in hegtenis geneem in verband met die moord op die drie lede van die Van Breda-gesin wat in Januarie 2015 in hul huis op die De Zalze-gholflandgoed in Stellenbosch vermoor is.

Maroela Media verneem die verdagte het hom Maandagmiddag saam met sy regsverteenwoordiger by die Stellenbosch-polisiestasie oorgegee. Volgens wet mag die verdagte se naam nie bekend gemaak word voor hy in die hof verskyn het nie.

Die deurbraak kom ná ʼn lang polisieondersoek na die moord op Martin (54), Teresa (55) en Rudi van Breda (22) wat op 27 Januarie 2015 met ʼn byl vermoor is. Hul dogter Marli (17) is ernstig in die aanval beseer, terwyl haar broer, Henri (21), slegs geringe beserings opgedoen het.

Ben Rootman, woordvoerder vir die Van Breda-familie, het gesê hulle sal binnekort kommentaar lewer.

Die polisie het deurentyd die media se vrae oor die ondersoek op geheimsinnige wyse beantwoord deur slegs te sê die ondersoek duur voort. In Januarie vanjaar het Eric Ntabazalila, woordvoerder van die nasionale vervolgingsgesag (NVG), aan Maroela Media gesê dat die dossier van die saak aan die NVG oorhandig is. Ntabazalila het gesê die NVG sal die dossier bestudeer om ʼn besluit te neem of iemand in hegtenis geneem kan word.

Lees alle vorige berigte oor die De Zalze-moord op Maroela Media.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

66 Kommentare

jongste oudste gewildste
Judy-anne

mmmmm wonder wie die 21 jarige is ?????????

Christelle

Jip het dit al d tyd vermoed, ‘n mens kan seker net vir so lank met jou gewete saam leef ;)

Elmarie

hoe is dit dat die man wat in hegtenis geneem is en die seun ewe oud is?

wanda

AT LAST!!!!!!!! Ek het rerig gedink hiervan gaan niks kom nie, dankie vir die ondersoekspan, natuurlik weet ons wie die jong man is, maar wag maar vir die uitkoms van die saak. Knap gedaan!

Anoniem

Kan dit net toevallig wees dat die verdagte en Henri die selfde ouderdom is? Ek dink steeds hy is skuldig