Verdagtes brand los op Fidelity ADT-beampte

Argieffoto ter illustrasie (Foto: Fidelity/Facebook)

Fidelity ADT het Dinsdag in ʼn verklaring hul beampte Nicolaus Mabunele en personeel, wat op sy noodroep reageer het, geloof dat hulle kopgehou het toe verdagtes skielik op Mabunele losgebrand het.

Mabunele was Saterdag besig met ʼn roetine patrollie in Fehrsenstraat in Brooklyn toe ʼn gryskleurige Honda skielik voor sy Fidelity ADT-voertuig stilgehou het.

“Twee verdagtes het uitgeklim het op hom geskiet. Hy kon wegjaag en ʼn kort jaagtog het gevolg terwyl hulle op hom bly vuur het,” het Jacqui Moloi, woordvoerder van die maatskappy, gesê.

Mabunele het uiteindelik stilgehou en op die verdagtes teruggeskiet. “Hy het een van die verdagte motor se voorste band getref. Die beampte het ook een van vyf verdagtes in die been skiet. Die verdagte se medepligtiges het begin vlug.”

Mabunele kon ook een van die voortvlugtiges aankeer, maar die ander drie het gevlug. “Die voertuig en twee verdagtes is aan Brooklyn-polisie oorgegee.”

Moloi sê die maatskappy wys graag op die noodsaaklikheid van volgehoue opleiding en ontwikkeling. “Die beamptes het hierop staatgemaak om veilig te bly. Hy het ʼn benarde situasie verander in ʼn suksesvolle inhegtenisneming van twee verdagtes.”

Leon Muller, distrikbestuurder van Fidelity ADT, het Mabunele en sy kollegas geloof vir hul professionele optrede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

13 Kommentare

jongste oudste gewildste
Christiaan

Ek is bly jy is veilig. Well done !

Magda G

Bly hy is veilig. Net jammer die ander het weggekom

Shakespeare

Saluut Mabunele.

Willem

Saluut kollega Mabunele. Jy maak mens trots!

Richard

Skrikwekkend dat sigbare polisiëring in die hande van private sekuriteitsmaatskappye is. Wel gedaan!