Drie verdagtes is in hegtenis geneem in verband met die moord op Koos Jonker (79), ʼn bejaarde man wat verlede week tydens ʼn plaasaanval in Limpopo vermoor is.
Maroela Media het vroeër berig dat Jonker ‘n blyplek by ʼn gesin op ʼn plaas buite Lephalale (Ellisras) gehuur het, en ook daar gewerk het.
Jonker se liggaam is verlede Maandag op sy badkamer se vloer aangetref nadat rowers die Sondagaand by sy blyplek en die plaaseienaar se hoofhuis ingebreek het. Sy voete en hande was vasgebind. Hy is erg aangerand en het ernstige hoofbeserings opgedoen. Lees meer hier.
Volgens kol. Ronel Otto, ʼn polisiewoordvoerder, is die drie verdagtes Maandag in Lephalale en Villa Nora in hegtenis geneem. Die verdagtes moet Woensdag in die Lephalale-landdroshof verskyn op aanklagte van moord en huisbraak.