Verdeeldheid oor voorgenome verbod op ou vlag

Die ou Suid-Afrikaanse vlag.

Die ou Suid-Afrikaanse vlag kom opnuut onder skoot nadat dit in ʼn slaghuis in Wellington, Nieu-Seeland, se venster vertoon is.

In Suid-Afrika is dit steeds wettig om dié vlag, wat deur talle Suid-Afrikaners as ʼn simbool van apartheid beskou word, te vertoon, maar dalk nie meer vir lank nie.

Die Nelson Mandela-stigting het in Februarie vanjaar ʼn aansoek hieroor by die gelykheidshof ingedien. Verlede week het die spesialisstaatsregsadviseur Theresa Molomoitime Ross ʼn beëdigde verklaring namens die departement van justisie ingedien ter ondersteuning van ʼn wetlike verbod op die vlag.

Die stigting vra dat die vertoning van die vlag in die openbaar sonder geldige rede verbied word op grond daarvan dat dit haatspraak is. Dit was nadat die ou vlag na bewering tydens die Swart Maandag-betogings teen plaasmoorde in Oktober 2017 vertoon is. Dié saak word na verwagting in April volgende jaar aangehoor.

Volgens die departement van justisie word die vlag wyd beskou as ʼn simbool van “blanke baasskap”, soortgelyk aan Nazi-simbole in Duitsland. Die departement gee toe bestaande wetgewing omskryf nie die vlag as “haatspraak” nie; daarom sal wetgewing verander moet word.

“Ons besluit om dié aansoek in te dien kom nadat ons jare lank gesien het hoe die vlag vertoon word en gehoop het sulke optrede sou end kry,” sê die Nelson Mandela-stigting in ʼn verklaring. Hulle meen dit vererger die lyding waaraan apartheid miljoene Suid-Afrikaners onderwerp het.

Dit help nie ʼn mens gooi allerhande tantrums daaroor nie.

Theo Venter, politieke ontleder van die Noordwes-Universiteit, het egter nog goeie moed dat die vlag eindelik tog eendag vir goed gebêre sal word. “Vlae het soveel simboliese en emosionele konneksies dat dit nie iets is waaroor ʼn mens wette moet maak nie. Dit moet iets wees wat mense mettertyd self ophou vertoon. Dit help nie ʼn mens gooi allerhande tantrums daaroor nie.”

Maar die stigting sê: “Na aanleiding van openbare debatte met AfriForum, een van die voorste figure in die Swart Maandag-betogings, het dit vir die stigting duidelik geword dat sommige Suid-Afrikaners nie ten volle begrip het daarvoor dat apartheid ʼn misdaad teen die mensdom was nie en dat die ongemotiveerde vertoning van apartheidsimbole neerkom op ʼn viering van dié misdaad en slagoffers daarvan verneder.”

Die stigting sê AfriForum het tydens die debatte toegegee dis “onverstandig” om die ou vlag te vertoon, maar nogtans aangevoer dat dit nie onwettig behoort te wees nie omdat dit deel is van die geskiedenis en “ʼn mens nie die geskiedenis kan verbied nie”.

“Ons voel mense moet die reg hê om die vlag te vertoon; dis nie haatspraak nie,” meen Ernst Roets, adjunk- uitvoerende hoof van AfriForum. “Maar ons gebruik nie die vlag nie en ontmoedig mense om dit te gebruik.”

Hy sê AfriForum is as respondent by die saak gevoeg wat in April voor die gelykheidshof aangehoor word. “Ons wil standpunt inneem omdat ons glo dis nié haatspraak nie. Ons laat geen vlae by enige van ons optredes toe nie. As mense met die ou vlag opdaag, vra ons dat hulle dit wegsit.”

Ons voel mense het die reg om dit te vertoon.

Roets sê dit het ongelukkig gebeur dat “sekere groepe” daarin geslaag het om ʼn stigma aan die ou vlag te laat koppel, maar AfriForum is gekant daarteen dat die vlag wetlik verbied word. “Ons voel mense het die reg om dit te vertoon.”

AfriForum sal in die hof aanvoer vir iets om haatspraak te wees, moet dit onder meer aanhitsing wees tot enige vorm van skade. “Jou standpunt moet ʼn oproep tot aksie bevat,” verduidelik hy. “Om te sê ‘maak dood ʼn groep mense op grond van hul ras’ is haatspraak. Maar om ʼn vlag te vertoon, is nie.”

Ross het aan die Port Elizabethse dagblad, The Herald, gesê die regering wil juis wetgewing verander sodat simbole soos vlae wel as haatspraak gedefinieer kan word. Die nuwe Wet op Haatspraak sal dié begrip veel breër omskryf sodat dit ook emosionele, sielkundige, liggaamlike, maatskaplike en ekonomiese skade insluit.

Ross wou by navraag nie aan Maroela Media kommentaar lewer nie.

Wetgewing onderdruk mense se gevoelens.

Venter voorspel om die vlag te verbied, kan juis die teenoorgestelde uitwerking hê van wat met sulke wetgewing beoog word, naamlik dat dit dan ʼn soort protesvlag word waarmee betoog word teen alles wat mense meen fout is in die land.

“Ek sou sê as ʼn mens wetgewing daaroor wil instel, gaan jy die behoud van die vlag versterk. Wetgewing onderdruk mense se gevoelens. Dink maar aan die Nazi-simbole. Jy onderdruk dit en dan steek dit kop uit op allerhande plekke wat jy nie gedink het nie.”

Maar dr. Somadoda Fikeni, politieke ontleder, sê die res van die land kan nie gevange gehou word deur die moontlikheid dat mense die vlag vir hulle kan opeis nie. “Dit sou beteken die swastika moes nog wettig gewees het in Duitsland omdat mense te bang sou wees om dit te verbied,” sê Fikeni.

Simbole soos vlae kan dieselfde uitwerking hê as woorde.

Hy sê as ʼn mens ʼn stelsel gehad het wat as ʼn misdaad teen die mensdom verklaar is, soos met apartheid gebeur het, moet gepoog word om alle simbole te verwyder wat daarmee verband hou. “Simbole soos vlae kan dieselfde uitwerking hê as woorde, wat op haatspraak neerkom. Dit kan dieselfde kwade herinneringe oproep as mense se uitsprake.”

Volgens hom sal niemand kan bewys hul grondwetlike regte sal aangetas word net omdat hulle nie langer toegelaat word om ʼn sekere simbool, soos die ou Suid-Afrikaanse vlag, na willekeur te vertoon nie.

Die Suid-Afrikaanse Joodse Raad van Afgevaardigdes steun ook ʼn verbod op die vlag. “Die ou Suid-Afrikaanse vlag is simbolies van ʼn uiters pynlike tydperk in ons geskiedenis,” sê Mary Kluk, die raad se president.

“Vir Suid-Afrikaners verteenwoordig die ou vlag onderdrukking en lyding asook vernedering. Ons ondersteun die Nelson Mandela-stigting se pogings om te verbied dat dit in die openbaar vertoon word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

80 Kommentare

Pietman ·

Snaaks hoe mense die swastika vergelyk met die ou vlag. Onder die ANC vlag is veel meer en groter gruweldade gepleeg ( 13 000 swart mense dood tussen 1990 en 1994). Uit ‘n estetiese hoek is die ou vlag werklik mooi en alhoewel ek besef dit vir party mense slegte herhinneringe oproep laat die my terugdink aan orde en veiligheid. Ek verkies egter die ou betaafse vlag. Of gaan hulle die kleur oranje verban?

kolla ·

Daai party mense waarvan jy praat beloop meer as 90% van die bevolking. Bou ‘n brug.

koos1 ·

Nou as die vlag wetlik verbied word, dan word ALLE foto’s, skilderye en enige afbeelding van die vlag, in watter vorm ookal, dan ook onwettig?
Is dan die hele geskiedenis van die Afrikaner met een pennestreep onwettig?
My redenasie is miskien vergesog, maar ons kan en mag nie die huidige regering vertrou om sulke wette te maak nie. Hulle sal nou sê dat dit net op die en dat van toepassing is, maar wat gebeur oor 5 of 10 jaar? Dan gaan jy tronk toe omdat jy ‘n Leon Schuster fliek van 1980 besit waar die vlag vertoon word.

Jaco ·

Dan kan die EFF en kommunistiese simbole oor dieselfde kam geskeer word en ook verbied word seker? Een hou hom besig met haatspraak en opsweping en die ander het die ganse wereld op hol gejaag vir jare.

zoom zoom ·

Dan moet daar ‘n verbod geplaas word op alle partye wat haatspraak verkondig . Ek wyer om my ou vlag te vernietig.

Chrisjan ·

Om blank te wees sal ook een van die dae haatspraak wees.

AmY ·

Baie waar Chrisjan. Dis waarom hulle stadig, maar seker van ons ontslae raak, nes alles wat hulle aan apartheid herinner. Ons het eintlik nie meer ‘n kans nie. FEITE!!!

Frik Lotz ·

Waarom moet die vlag verban word? Dis belaglik en kinderagtig. Het die mense dan niks beter om te doen nie? Hoekom word daar nie eerder aandag gegee aan die misdaad wat buite beheer is nie? Wat van al die korrupsie en vrot dienslewering? Daar word alewig gekrap en gekrap aan die Afrikaner en witmense. Ons almal is nou al keelvol vir al hierdie snert!

Swartwolf ·

Goed gese – die oranje, blanje, blou se alles wat die nuwe Suid Afrika nie wil hoor of sien nie. Hulle se dit herhinner hul aan apartheid ek dink eerder hulle reflekteer oor wat SA was onder daai vlag en die misrabele kriminele mishoop in wat die cANCer dit na in 24 jr verander het. Gelukkig is dit die enigste vlag waarvoor ek op aandag gestaan het, gesalueer het en bereid was om die hoogte prys voor te betaal. En so sal dit bly.

PLA ·

Kom ek se jou wat sal hulle gelukkig maak as al die blankes nie meer in die land is dan sal die vlag hulle nie pla.Kan julle nie sien hulle doen dit net om ons om te krap.

Tiaan ·

‘n verbod op die vlag sal self haatspraak wees dubbele standaarde

Snowball ·

Snaaks hoe een deel van die bevolking ineenkrimp oor die simboliese waarde van die ou vlag, in so ‘n mate dat hulle dit wil verban, maar dis aanvaarbaar dat ons hulle bevrydingsliedere wat vir die dood van boere vra, net moet sien as ‘n metafoor, en nie letterlik moet verstaan nie. So simbolies gee die vlag aanstoot, maar as ons hulle liedere se direkte woorde aanstootlik vind, moet ons net aanvaar dit word simbolies bedoel…..eienaardige mense, dikvellig vir ander se leed maar hiper kleinserig en geaffronteerd oor wat hulle as onaanvaarbaar beskou….

FLAG ·

Mense haat die flag omdat dinge beter was en Eskom,SAL en baie ander staats instansies gewerk het onder daai vlag en amper niks korrupsie was.

Deidre ·

So verban hulle stukkie vir stukkie ALLES wat met die blankes se geskiedenis te doen het, vlag, monumente, taal, godsdiens, poppe in winkels, landslied, advertensies, ens. ens.

Ou Polonie se Mense ·

Hierdie reaksie teen die “ou” vlag laat my wonder of hulle agter die deur staan. Ek aanvaar ook nie dat die vlag gebruik word in sulke omstandighede nie. Dit is gewoon te kosbaar!

Dienkie ·

Nieu-Zeeland moet ophou om hulle mond uit te spoel oor die vertoon van die ou landsvlag. Om die ou landsvlag te vertoon is volgens my mening nie rassisties nie. Die EFF/BLF maak aanmerkings wat vir my grens aan haatspraak “MAAK DOOD DIE BLANKE”. Is die aanmerkings van dIe EFF/BLF nie baie erger as die vertoon van ‘n ou landsvlag nie. I rest my case.

JM ·

As die ou vlag verbied moet word hoekom verbied hulle dan nie al die politieke partye se vlae nie want daar is ook vlae wat haatspraak verteenwoordig

ne ·

‘n Vlag? Mense het julle nie beter dinge om te doen nie? Sluit die korrupte skelms toe en gooi die sleutel weg. Ek is nie verknog aan die ou vlag nie maar regtig is daar nie beter dinge om te doen nie?

Piet Piet ·

Wat van die Amerikaanse, Engelse, Chinese en Russiese( komministiese) vlae. Meer mense is onder die vlae gedood en verneder as die res van die wereld saam. Die jode is ook nie so onskuldig nie. Misdaad teen die mensdom? Gaan kyk wie het vir en teen dit gestem.

kolla ·

Verban die ding ons moet hande vat en nasie bou. Apartheidsimpatiseerders moet op alle vlakke en terreine hokgeslaan word, finish en klaar.

Poot ·

@kola
Daar kan soveel wetgewing geskryf word teen die vlag as wat wil. Hy bly geskiedenis en nie jy of die wat wil kan DIT verban nie.

Staak saam ·

Kolla die regte tyd om die nasie te bou is oor n nawee en veral n Sondag by jou naaste smokelkroeg, na 10 is daai dames darem vir jou wel bedien en ………….
As jy n perske ryp druk dan druk jy hom vrot, en hierdie reenboog nasie is vrot gedruk.
Net soos de klerk, Jan Smits en Mandela en selfs Malema deel van ons geskiedenis is, so is Verwoerd, die ou vlag en die boereoorlog ook deel van ons geskiedenis, jy kan dit maar weg wens en ontken soos jy wil, bly sal dit ongelukkig deel bly.

kolla ·

Wetgewing KAN dit verban…en as dit wel gebeur gaan jy pakslae kry as jy die Wet oortree of jy nou daarvan hou of nie.

Snowball ·

Apartheidsimpatiseerders lyk na vulletjies teen die argitekte van korrupsie en die plaasmoordtoesmeerders wat luidkeels vra vir wittes se uitwissing. Moet mens dan interpreteer dat as jy die nuwe vlag aanhang jy een van bg is? Want jy maak die afleiding dat die ou vlag net apartheid simboliseer? Sterkte dan onder jou nuwe SA vlag. Hoop jou nageslag floreer onder daai nuwe een; ek twyfel egter want onder die nuwe een is alle Suid Afrikaners, swart, wit, kleurling en indier, slegter daaraan toe, veral as hulle jou goedjies gaan kom opskryf en onteien sonder vergoeding. Maar miskien dink jy nog nie so ver nie. Geen verbanning van die ou vlag gaan die ongeregtighede en korrupsie wat SA nou verwurg, beter maak nie. As die ou vlag simbolies van apartheid is, is die nuwe een simbolies van ellende en korrupsie.

Hu ·

Verban dan sommer die huidige ANC vlag dit staan vir haat teen oor die witman en wat n lelike vlag

Pierre Wolmarans ·

Dan moet hulle alles verwyder. Die Unie gebou, paaie damme besighede Soweto ens. Alles kom uit die Apartheids jare. Belaglike spul.

Swartwolf ·

Goed gese – die oranje, blanje, blou se alles wat die nuwe Suid Afrika nie wil hoor of sien nie. Hulle se dit herhinner hul aan apartheid ek dink eerder hulle reflekteer oor wat SA was onder daai vlag en die misrabele kriminele mishoop in wat die cANCer dit na in 24 jr verander het. Gelukkig is dit die enigste vlag waarvoor ek op aandag gestaan het, gesalueer het en bereid was om die hoogte prys voor te betaal. En so sal dit bly.

lewies ·

ALMAL MOET MAAR HULLE EIE SOMME BEGIN MAAK, Sodat ons die speelveld gelyk kan kry.
Die ANC-regering het SA reeds baie gekos. Dit gaan nie net oor randwaarde nie maar ook aan menselewens deur onverantwoordelike aanstellings te maak. Hulle het miljoene arm mense se kanse vernietig om ‘n beter lewe te he. Die land se ekonomie het rommelstatus onder hulle bewind gekry , werksgeleenthede is vernietig en baie staatsentiteite is in die grond-in-bestuur.

As ons vir mekaar vingers wil begin wys onthou daar wys altyd drie vingers terug na jou toe.

Kom ons leer die kuns aan om die balk in jou eie oog raak te sien en te verwyder. Ons is dit aan ons kinders verskuldig. Hulle toekoms is op die spel. As ons nie vorentoe gaan begin kyk nie, gaan ons baie hard val oor die hindernisse wat vir almal in die land nog voorle.

barend ·

dit is en was die mooiste vlag ooit ,ek het my diensplig gedoen onder die vlag .ek het een by die huis, agter op my bakkie het ek een en op my koffie beker het ek die vlag .
ons vir jou SUID AFRIKA .NOOIT OOIT SAL EK OP AANDAG STAAN ONDER DIE NUWE SRUK LAP NIE NOOIT

Pierre Blignaut ·

Dan moet die dra van die Umkhonto we Sizwe uniform en vlag ook verbied word. Vir baie van ons is dit n simbool van lafhartige terrorisme waar onskuldige mense vermoor is. Hierdie eise sal nie ophou nie. Ou standbeelde, name, vlae ens sal altyd n doring in vlees wees vir hierdie liberals en korrupte regering. Hierdie is vir hulle simbole toe dinge reg gefunksioneer het in vergelyking met nou. Dis net n rookskerm om ander verskonings uit te dink.

Boetman ·

Presies Pierre – as almal so bekommerd is oor regverdigheid en transformasie MOET die ANC vlag, die ANC wapen en die uniforms wat hulle dra ook verbied word.
Daardie is simbole wat vir my as Afrikaner baie pyn veroorsaak.

Hannie ·

Die ANC en alles waarvoor hul staan is vir my ‘n aanstoot. Die ANC was en is terroriste.
Verban hul dan ook asb

Frederik ·

Net ‘n gedagte… Vir al die geslagte voorentoe, regerings en wat ookal oor Suid Afrika se pad kom. Wees gerus dat tegnologie uit Afrika nooit ooit die vlag kan verwyder wat op die maan geplaas is nie. Al is dit ‘n baie klein skaal van die normale. Wees rustig…..

Patriot ·

Los my vlag uit. Los die vierkleur uit. Los my geskiedenis uit. My vlag sal ek nou doelbewus laat wapper , julle krap nou waar dit nie jeuk nie!!!

penny ·

Gaan kyk wat die ,so call, Jode doen met hul Palestyne!!!!!

Aster ·

O nee wee jy!!! Die ou vlag van ons het nie eers hier sy kop uitgesteek in SA nie. Die ergste is dat dit in NZ is!!! Genade, as almal so aan gaan oor ‘n ou Afrikaner vlag, wat dan van die lewens van die Afrikaners wat in NZ bly!

Gc ·

Maak maar klaar, hulle sal hom onwettige verklaar. Die konstitusie verdedig vryheid van spraak, maar dit hang af wie praat. Ek laat malema se wat hy wil en ek gaan nie hof toe nie, want ek will ook kan sê wat ek wil, maar die land werk nie so nie doen dit. Die regering sal aanhou trap want hy beheer die konstitusionele hof en hulle interpreteer die konstitusie soos die regering wil.

HPV ·

Nieu Zeeland, ‘n eerste of derde wêreld? Dit maak ook nie werklik saak nie, gee ook nie eintlik om nie. Wat wel saak maak is dat so ou klein landjie so baie te sê het. Ek wonder as hulle al die Suid Afrikaanse breinkrag sou terugstuur hoe gaan hul landjie dan daar uitsien? Soos in die 80’s…Ek dink hulle moet onthou wie het hulle gehelp om op die “map” kom.

kolla ·

Ou poot-uit. Ek het al in Kanada, Engeland en Aus gewerk en gewoon. Dalk ‘n bietjie meer wêreldwys as die gemiddelde Afrikaner wat al vir jare op sy eie ashopie sit en moan.

Staak saam ·

Volkslied van SA.

La di da di da di da di daaaa………
Sorry ek ken nie die res nie.

DIE STEM.
Uit die blou van onse hemel
Uit die diepte van ons see
Oor ons ewige gebergtis
Waar die kranse antwoord gee………

Sing saam!

janet ·

Here, seën Afrika
Mag haar glorie hoog rys
Hoor ons gebede
Here, seën ons, U kinders

Here, ons vra U om ons nasie te beskerm
Gryp in en beëindig alle konflik
Beskerm ons, beskerm ons nasie
Die nasie van Suid-Afrika, Suid-Afrika

Dít, Staak saam, is die deel wat jy blykbaar so minag: ‘n gebed vir almal van ons. Miskien sal dit beter gaan in hierdie land as ons almal hierdie deel ook saamsing. (En voordat enigiemand wil beweer dis ‘n gebed vir die voorouers en nie vir ons God nie: Enoch Sontonga was ‘n onderwyser by ‘n Methodiste-sendingskool toe hy hierdie geskryf het. Dis oorspronklik as ‘n kerkgesang gesing.)

Danie Grobler ·

Hierdie sogenaamde nuwe vlag sien ek as ñ instrument van moord en doodslag!

lewies ·

As die vlag soveel skade aangerig het, wonder ‘n mens hoeveel skade die regerende party tot op datum aangerig het. Hierdie somme moet ook gemaak word, om die speelveld gelyk te maak.

dejager ·

Wat ń pragtige vlag!
Wat ń simbool van vrede,beskawing en vooruitgang!
Sjoe!Kyk hom weer!
Skoonheid ,waarheid en prag!
Nooit hoef jou kinders wat trou is te vra wat beteken jou vlag dan Suid Afrika!
Die new southafrica is die beste rede om die oranje blanje blou te hys.
Ek stem—BRING TERUG HIERDIE
MOOIE DING!

Skroef ·

Sou mandela homself die stigting se aansoek goedgekeur het? Hy sou dit as belaglik afgemaak het en tjankers gesê het om n paar te kweek.

corne ·

watse strooi is dit snaak wie wat mag se kill the boer esv esv en niks gebeur nie maar n ou vlag haatspraak dit is geldmora en belaglik verby nig miljoene op n wetsondwerp

Die Stem ·

Absoluut belaglik!
Die vlag is deel. An die geskiedenis.
Niks met ras te doen nie.

kolla ·

Behalwe vir ‘n paar regse apartheidsimpatiseerders sien die hele SA bevolking (en die res van die wereld) dit as ‘n simbool van verdrukking onder die walglike, onmenslike en universeel verklaarde misdaad teen die mensdom apartheidstelsel. Hoe gouer dit verban word deur wetgewing hoe beter.

Tiaan ·

Kolla, die meeste landsvlae op aarde moet dan verban word meeste nasies het al skande gemaak. Niemand kan vinger wys na die ou landsvlag nie. Dit was in elk geval nooit nodig vir n nuwe landsvlag nie. Dink net as brittanje n nuwe vlag moes kry na elke oorlog hoe lagwekkend sou dit nie wees nie.

Fanie ·

Dan is die nuwe vlag ook rasisties hoeveel haat le rondom die nuwe vlag hoeveel blankes word onder die nuwe vlag vermoor dan kom dit mos neer op diskriminasie

Cherokee ·

Snaaks dat een van die min politici, indien nie die enigste nie, wat gesê het dat Suid Afrika gedy het onder apartheid, Hele Zille is. Sy het dit wel later teruggetrek, maar wat gesê is, is gesê.

Paul ·

En ek nog ‘n Boplaas port van der jare gelede, met ‘n “bin nr” en die ou SA vlag op die etiket. Dit het ook ‘n koevertjie wat, met ‘n goue koord aan, om die nek vasgemaak is, in die koevertjie is Die Stem se woorde, al vier verse.

DIT is mos nou versamelgoed.

En waar is vandag se produkte met landsvlag en volkslied, watter Landgoed promoveer dit op hul gebottelde produkte?

Nina ·

Ek het baie swaar gekry onder daardie vlag, en ek is wit! Hulle het mekaar behoorlik vertrap om aan Mammon se spene te suig. Ek haat daardie vlag, nog meer as die huidige een!

Cornelia ·

Die anc behoort onrustig te slaap. Suid Afrika kort ‘n nuwe regering en ‘n nuwe vlag.

Stripes ·

Daar is nie ‘n manier dat ek op aandag staan vir die huidige volkslied of dat ek die vlag sal salueer nie.

Adam ·

Die ou vlag, net soos die nuwe een, sal eendag deel wees van SA se geskiedenis. Die ou vlag het die Union Jack op, ten spyte van die Bristse oorheersing. Die nuwe vlag se rol is ook uitgedien. Dit behoort in elk geval vervang te word na 24 gemorste “oorgangsjare” en deel te word van die geskiedenis. Self dit sal in elk geval niks vir nasiebou beteken nie: SA sal nooit ‘n verenigde nasie wees nie en enigiemand wat anders daaroor dink is gewoon naief. Die oplossing is dus eenvoudig: los alles soos dit is en neuk aan in die hoop om ‘n lewe vir jouself te kan uitkerf.

Bamsie ·

Die kolonialiste het die konsep van n vlag hierheen gebring. Die engelse het baie vroue en kinders vermoor, tog gee ons erkening aan hul vlag. En intussen moet die aandag weggelei word van Eskom…

Dorita ·

Kan ons ou vlag die nuwe regering en die bevolking so intimideer? Ons nuwe lands leiere daag in hulle tradisionele drag op in die parlement en by geleenthede. Verklaar dit dan ook haatspraak teenoor die blankes. Die blankes met ons ou lands vlag plunder en verwoes nie winkels, busse, geboue en woonbuurte omdat daar nou in elke vlak teen ons gediskrimeneer word nie ……… Ek is trots op my ou vlag en ou volkslied

Cornelia ·

Afrika het ‘n ideologiese platform wat van hulle bondgenote maak van die “revolusie” sindroom. Met die chaos beleid, konflik en ondermyning van standvastige riglyne, word die sterkman sindroom vooropgestel. Soveel so dat mense hulle verstand, hulle wil, individualsisme en eiesoortigheid inruil vir globalistiese eenvormigheid. Daarom die giftige drinkwater, transformasie wat eintlik net ‘n ander manier is om te sê dat volkere identiteit vernietig moet word en vervang word met die regerende “ONS”. Die regeerdes word nou die volk se “hoogste denkepoel.” Omdat Afrika niks uit sy skatkis kan delf om tot ontwikkeling en beskawing by te dra nie, is dit vir hom en sy eweknieë uiters belangrik om totale “Mag” na hulle hand te sentraliseer. In engels gesê: “The ultimate Puppet masters.”

Annie ·

Oranja, Blanje , Blou……Ek sal nooit nie afstand doen van jou! Nog minder van ons volkslied ……….nie terwyl my twee voete op Suid Afrikaanse grond is. En al sou ek die land MOET verlaat, …… vir julle vat ek saam!

Ons vlag is steeds n bedreiging.

Pieter ·

1. Dan moet ‘n paar ander vlae ook verban word.
2. Haal net die Union Jack uit … die simbool van kolonialisme

Johan ·

My vraag aan al die linkses en Afrikaners in die land wat so teen die vlag gekant is…. Hoekom? Almal het hulle se te se oor die landsvlag wat al die swart mense laat dink aan apartheid en hoe seer hulle het oor die vlag. Die vlag het nie die pyn gebring nie. Ek as trost Afrikaner het net soveel pyn as ek moet om my kyk en elke keer die kommunistiese vlag sien wat deur die unies en die swartes vertoon word as hulle bymekaar is. Niemand praat en se ek wonder hoe die blanke seuns wat geforseer was om die kommuniste te gaan baklei toe ons 16 en 17 jaar oud was en nou deur die vlag en sy ondersteuners regeer word nie. Kom ons kyk verby ‘n vlag, dit was deel van SA se geskiedenis tot waar ons nou gevorder het. As die ou landsvlag verban word moet die kommunistiese vlag ook verban word en met dieselfde minag behandel word. Al word die vlae verbied is dit in jou hart om te vergewe en te vergeet. Die enigste wat moet vergeet en vergewe word slegs van die blanke verwag terwyl anders kleuriges hulle kan vasbind aan hulle geskiedenis en elke keer as dit nie volgens hulle wil gaan nie, dit te blameer op apartheid. Ek blameer kommunisme en sosialisme vir dit wat in die land gebeur het en ek dink dit is waar die euwel gesoek moet word.

Kobus ·

Wat van die Nuwe-Nuwe S Vlag?!

Ek het al reeds ‘n Nuwe-Nuwe SA vlag bekom! Dit is nou die vlag wat oor ‘n vry SA gaan waai nadat die era van die kommunistiese ANC bewind tot ‘n einde gekom het. Die vlag stem ooreen met die pragtige oranje-blanje-blou vlag van die voortreflike Ou Suid-Afrika, maar die Britse Union Jack is vervang met die Kaapse Rebelle vlag. Pragtige simbool!

Msp ·

Onder die ou vlag het ek groot geword, almal het werk gehad, onder die vlag was ek in ń eens magige en hoogs gedisiplineerde weermag. Mense het respek vir mekaar gehad. Onder die valg het ons ń trotse Suid Afrika gebou. Enige een wat teen die wet gegaan het is vervolg en nie net die swartes nie.

Onder die nuwe vlag is daar apartheid en rasisme, Plaasmoorde, diefstalle van die hoogste manne in die regering tot op grondvlak. Moord, verkragtings, marteling, die afbreek van die land. Staatshospitale het is so vuil dat swartes nie eers daarheen wil gaan nie. Onder die soganaamde nuwe vlag het alles verval. Geen wet en orde nie. Nee wat. Die nuwe vlag soek ek nie eers in my huis nie. Dit bring ongeluk en teespoed

Rina Kotze ·

Ag regtig!!!

Party mense is so bedreig deur ‘n vlag, laat staan die vlag en dink eerder oor waar ons land nou is en die gemors waarin ons is.

Ons het groter probleme as om oor ‘n vlag te stry!

Korrupsie, misdaad, dreigende kragnetwerk wat dreig om in duie te stort, uitsaaidiens wat dreig om in duie te stort, en die lys word langer.
Onderwys, gesondheid, staatsdiens, munisipale dienste, instandhouding van stelsels wat altyd onderhoud was en met swak administrasie, kundigheid wat landuit is, nou in duie stort.

Nou vra ek regtig, onder die vlag waaroor baie stry, het meeste van bogenoemde sake vlot verloop.

Ek is nie so seker of dit onder die huidige vlag so vlot verloop nie?

Dalk kan iemand my reghelp?

Ek praat nie polititiek nie, ek noem wat ek raaksien.

Rina Kotze ·

Ag regtig!!!

Party mense is so bedreig deur ‘n vlag, laat staan die vlag en dink eerder oor waar ons land nou is en die gemors waarin ons is.

Ons het groter probleme as om oor ‘n vlag te stry!

Korrupsie, misdaad, dreigende kragnetwerk wat dreig om in duie te stort, uitsaaidiens wat dreig om in duie te stort, en die lys word langer.
Onderwys, gesondheid, staatsdiens, munisipale dienste, instandhouding van stelsels wat altyd onderhoud was en met swak administrasie, kundigheid wat landuit is, nou in duie stort.

Nou vra ek regtig, onder die vlag waaroor baie stry, het meeste van bogenoemde sake vlot verloop.

Ek is nie so seker of dit onder die huidige vlag so vlot verloop nie?

Dalk kan iemand my reghelp?

Ek praat nie polititiek nie, ek noem wat ek raaksien.

kolla ·

Klein verskilletjie. Die apartheidsregering en instellings het basies vir 5 miljoen mense dienste gelewer, nou moet daar vir 55 miljoen dienste gelewer word.

kolla ·

Ag regtig, die apartheidsregering het basies net vir die handjievol blankes in die land gesorg terwyl die meerderheid moes krepeer van ellende. Nou kry hulle darem dienste soos krag en word huise vir hulle gebou. Begroting vir skole ensovoorts het blankes bevoordeel terwyl die meerderheid van die bevolking met krummels tevrede moes wees.

#Kolla ·

Net jammer die 55miljoen help nie betaal vir die skole, die huise, die toelaes, die water en elektrisiteit en die dienste nie, alles vir die al groter wordende massas, word uit ‘n krimpende blastingpoel gewurg. Regverdig né?

jaco ·

SA Joodse Raad van Afgevaardigdes steun verbod op ou SA vlag terwyl hulle gerieflik vergeet hoe hulle mede-Joodse besigheidsmense lekker ingecash het uit die ou SA. Ekonomiese groeikoers was goed, swart vakbonde is verbied en arbeid, veral swart arbeid, was goedkoop (selfs uitbuitbaar?).

Poot ·

@kola
Kry jou feite reg. Die appartheids regering het miljoene in die tuisland regerings ingepomp. Wat het hulle daarmee gemaak? Skole is VIR HULLE gebou. Wat het hulle daarmee gemaak? Kom ek vertel jou…. PRESIES wat hulle met wat hulle geêrf het vandag doen.
Maar onder die appartheids regering het jou ouers, en tien teen een jy ook darem maar lekker gebaat by die handjie vol wat dienslewering gekry het.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.