“Verdoemende” verslag looi Unisa se raad

Die verslag lê glo sedert 30 Augustus op Nzimande se tafel maar is oënskynlik nog nie amptelik bekend gestel nie. (Foto: Jacques Naude/ANA)

ʼn Verslag deur ʼn ministeriële taakspan wat die minister van hoër onderwys en opleiding, Blade Nzimande, aangestel het om ʼn onafhanklike hersiening van Unisa te doen, het verdoemende bevindings oor die stand van sake by die universiteit gedoen.

Luidens die verslag van die taakspan wat gelei is deur dr. Vincent Maphai, was daar ʼn “doelbewuste en sistemiese plan, oor ʼn voortgesette tydperk, om ʼn korrupte netwerk te vestig wat gelei het tot institusionele kaping” by die instelling.

City Press berig die taakspan het bevind daar is ʼn “allesomvattende kultuur van korrupsie, straffeloosheid, konflik, vrees en intimidasie” en die span beveel aan dat ʼn forensiese ondersoek van stapel gestuur word.

Die taakspan het ook aanbeveel dat Nzimande ʼn administrateur vir ʼn tydperk van twee jaar aanstel en dat die raad ontbind word.

Die verslag lê glo sedert 30 Augustus op Nzimande se tafel maar is oënskynlik nog nie amptelik bekend gestel nie.

Die minister het die taakspan in Julie verlede jaar opdrag gegee om die ondersoek te doen en het destyds gesê, gegewe die grootte van Unisa – nie net in Suid-Afrika nie maar ook op die vasteland – is die instelling “te groot om te misluk, omdat baie mense op sy sukses staatmaak”.

Sommige van die probleme waarna die taakspan verlede jaar reeds opdrag gegee is om na te kyk, het ingesluit voortgesette hoë druipsyfers en probleme met sommige akademiese programme wat hul akkreditasie verloor het.

“Die onbestendigheid van die senior bestuur is ook ʼn groot bron van kommer,” het Nzimande gesê.

University World News berig hy het die verslag van 119 bladsye onder oë gehad en dit lui dat dit nodig is om die “verskeie oortredings en mislukkings van die raad” te pak sodat Unisa weer op koers gekry kan word.

Die span kenners waarsku boonop dat akademici gegewe die huidige situasie onwaarskynlik by die universiteit sou wou aansluit en dat diegene wat reeds daar werk, waarskynlik gaan kies om elders ʼn heenkome te soek.

Luidens berigte het die eens trotse instelling se raad versuim om hom toe te rus met die nodige vaardighede, kennis en bevoegdheid om gepaste leiding en rigting aan Unisa te gee.

Nzimande se kantoor het nie op ʼn versoek om kommentaar gereageer nie.

Unisa het ontvangs erken van ʼn navraag oor die verslag, maar het tot dusver ook geen kommentaar gelewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

25 Kommentare

jongste oudste gewildste
Shakespeare

Absoluut nie n verrassing nie. Die hele bestuur is BEE behalwe een verdwaalde blanke vrou.

Wielspore

Oops, Nzimande en die bestuur van UNISA het nie die eksamen geslaag, give them another chance.

Nie Verbaas

Daar het ons net weereens n bewys hoe BEE faal maar ANC sal dit aanhou in ons keelgate afdruk totdat hulle alles verwoes het. Is dit arrogansie of onnoseheid wat hulle nie laat besef dat hulle nie eers n straatstalletjie oordentlik kan bestuur nie.

Diline

SO vou die een plek na die ander! Dis wat gebeur as die ANC Kaders onbevoegde, useless, korrupte mense aanstel. Maak die plek toe, dis in elk geval klaar ‘n gemors! Die voortgesette hoë druipsyfers dui weereens daarop dat die meeste wat inskryf, net nie die vermoe het om dit suksesvol te slaag nie. EISH

Erika

Drop the standards to help him pass….then he can become a “branch Manager- of the corruption network